2 Korente 4:12 - MUKANDA WA MYIDI MUKULU

¹² Nunku lufu ludi luenza mudimu munda muetu, kadi muoyi udi wenza mudimu munda muenu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku lufu ludi luenzesha munda muetu, kadi muoyo udi wenzesha munda muenu.

2 Korente 4:12 ပူးပေါင်းရင်းမြစ်များ

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

1 Korente 4:10

Tudi bantu bapale bualu bua Kristu, kadi nuenu nudi ne meji badisange ne Kristu. Tuetu katuena ne bukole, kadi nuenu nudi nabu. Badi batupenda, kadi nuenu badi banunemeka!

2 Korente 12:15

Ndi njinga kufila bionsu bindi nabi ne disanka bualu buenu. Nendifile ne meme mene bua kunuambuluisha. Kadi dinnanga dienu nedikepele, padi dinunanga dianyi dienda divulangana anyi?

2 Korente 13:9

Tudi tusanka patudi ne butekete, nuenu ne bukole. Ke patudi tunulombela kabidi kudi Mvidi Mukulu, bua anulengeje, anupingaje mu njila mululame.

2 Korente 4:11

Matuku etu onsu a panu, tudi amu mu njiwu ya lufu bualu bua Yezu, bua muoyi udi Kristu ufila, umueneke kabidi mu mubidi wetu udi ne bua kufua.

2 Korente 4:13

Mukanda wa tshijila udi wamba ne: “Ndi ntekemena kudi Mvidi Mukulu. Ke pandi ngakula.” Ke mutudi tuenza tuetu. Bu mutudi tutekemena kudi Mvidi Mukulu, tumuitaba, tudi tulongesha Lumu lua Disanka katuyi tupungila.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Filipe 2:30

Bualu uvua wamba kufua bua mudimu wa Kristu. Uvua mudiele mu njiwu ya lufu, bua kungenzela mudimu unuvua nuenu kanuyi mua kunkuatshila.

1 Yone 3:16

Mutudi bamanye tshidi dinanga mmunyi? Bualu Yezu Kristu wakafua muoyi wende bualu buetu. Nanku tuetu kabidi tudi ne bua kufila muoyi wetu bua bana hetu.