2 Korente 3:6 - MUKANDA WA MYIDI MUKULU

⁶ Bualu Yeye mmutuenze bena mudimu ba ndondu mupiamupia. Mu ndondu awu, Mvidi Mukulu kena mutupe mikenji idibu bafunde nansha, kadi mmutupe Mueyelu wende. Mikenji idibu bafunde idi itufikisha ku lufu, kadi Mueyelu udi utufikisha ku muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ yeye wakatukumbasha kabidi bu bena mudimu ba dihungila dihia-dihia; kendia maleta a mikenshi mafunda, kadi dia nyuma: bualu bua maleta mafunda adi avuisha lufu, kadi nyuma udi uvuisha muoyo.

2 Korente 3:6 ပူးပေါင်းရင်းမြစ်များ

Yirmeya 31:31

Maweja-Nangila udi wamba ne: nkadi pa kutua ndondu mupiamupia ne bena mu bukalenga bua Izrayele, kabidi ne bena mu bukalenga bua Yuda.

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Marke 14:24

Yezu kubambila ne: — Etshi mmashi anyi, avua mapumuka bua ba bungi, bua kushindika ndondu uvua Mvidi Mukulu mutue ne bantu.

Luke 22:20

Balongi bamane kudia, Yezu kubapesha kabidi dikopu, wamba ne: — Dikopu edi ntshiovu tshipiatshipia tshia Mvidi Mukulu, tshidibu bashindika ne mashi anyi, adibu bapumuna bualu buenu.]

Yowanane 5:21

Bualu bu mudi Tatu ubisha bantu bafue, ubapingajila muoyi, ke mudi Muana upesha bantu badiye musue muoyi.

Yowanane 6:63

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 3:20

Kakuena muntu udi mua kubinga ku mesu kua Mvidi Mukulu, bualu muntu nansha umue kena ukumbaja bidi mikenji yamba. Mikenji idi yambuluisha amu bantu bua bamanye muyuabu benze malu mabi.

Rome 4:15

Bualu mikenji idi ijudija Mvidi Mukulu tshiji. Kadi muaba udi kauyi mikenji, dibenga kuitaba mikenji kadienaku to.

Rome 4:17

mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

Rome 7:6

Kadi mpindiewu, mbatupikule ku mikenji. Bualu tuvua bafue ku mikenji ivua mitukuate, mitujingile mu nkanu. Nanku tudi mua kukuatshila Mvidi Mukulu mudimu mushindu mupiamupia ku bulombodi bua Mueyelu wa Tshijila. Katumukuatshidi kabidi mudimu muetu mua kale ku bulombodi bua bivuabu bafunde mu mikenji.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

1 Korente 11:25

Momumue, bobu bamane kudia, kuangataye dikopu, wamba ne: “Dikopu edi didi ndondu mupiamupia wa Mvidi Mukulu, udi mashi anyi ajadika. Misangu yonsu inudi nunuinamu, nuenze nanku bua kumvuluka.”

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

1 Korente 15:45

Bualu Mukanda wa tshijila udi wamba ne: “Adame muntu wa kumpala uvua mupete muoyi,” kadi Adame wa ndekelu udiku ku bukole bua udi ufila muoyi.

1 Korente 3:10

Bilondeshile dipa dimvua mupete patupu kudi Mvidi Mukulu, mvua mulongolole bia kuasa nabi nzubu, meme kuibaka kabidi tshitaku. Mpindiewu mukuabu udi ubandisha bimana. Kadi muntu yonsu amanye mushindu udiye ne bua kuibaka.

1 Korente 3:5

Kadi Apolose mene nnganyi? Polu kabidi nnganyi? Tudi amu bena mudimu ba Mvidi Mukulu, bayua banufikisha ku ditaba. Yonsu wa kutudi udi ukumbaja mudimu udi Mfumu mumufundile.

2 Korente 11:23

Badi bakuatshila Kristu mudimu anyi? Nanku, — ndi ngakula bu muntu mujimije lungenyi — meme kabidi ndi mukuatshile Kristu mudimu, mubapite bonsu! Bayua bankengesha bipite muyuabu babakengesha bobu. Bayua bangela mu lukanu misangu ya bungi. Bayua bantuuta bipite. Meme kubuela mu njiwu ya lufu misangu ne misangu.

2 Korente 3:14

Kadi lungenyi luabu kaluvua mua kumvua bualu to. Too ne ku lelu padibu babala mikanda ya ndondu wa kale, tshilamba tshia momumue tshidi tshibuikila lungenyi luabu. Badi bumusha tshilamba etshi amu padi muntu udisanga ne Kristu.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

2 Korente 3:7

Bayua bafunde mikenji pa mabue ku dileta ku dileta. Diba adi butumbi bua Mvidi Mukulu buvua bukenka. Mpala wa Moshe uvua ubalakana bikole bipite, bena Izrayele kabayi mua kumutangila nansha. Kadi bukenke buvua pa mpala wa Moshe abu buvua amu ne bua kujimina. Pavua mikenji, ivua ne bua kutufikisha ku lufu, imueneka pamue ne butumbi bunene nanku,

2 Korente 3:9

Bulongolodi buvua butupisha bukavua ne lumu. Nenku bulongolodi budi butubingisha kumpala kua Mvidi Mukulu nebuikale ne lumu lupite!

Ngalate 3:21

Nanku mikenji mmibengangane ne malayaa Mvidi Mukulu anyi? Nansha kakese! Bu bobu bele mikenji ivua mua kupetesha bantu muoyi, Mvidi Mukulu uvua mua kuhingisha bantu bualu bua mikenji.

Efeze 2:1

Kale nuvua bafue bua bilema bienu, ne bua mibi yenu.

Efeze 2:5

Ke muvuaye mutubishe pamue ne Kristu, diba dituvua bafue bua malu etu mabi. mMutupandishe amu ku luse luende patupu.

Efeze 3:7

Ndi nkuata mudimu bua kutantshisha Lumu lua Disanka, anu ku luse lua Mvidi Mukulu patupu, ne ku bukole budiye mumpeshe.

Dielulula 27:26

“Muntu yonsu udi kayi witaba meyi ne mikenji bia Mvidi Mukulu, kayi ubikumbaja, asangane muena tshibawu kuenza anyi?” Bonsu ne: “Enze!”

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

2 Timote 1:11

Mvidi Mukulu mmumpeshe mudimu wa bupostolu, bua kumanyisha ne kulongesha bantu Lumu lua Disanka elu.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Ebrewu 7:22

Nenku, Yezu ke muntu udi utujadikila ne: nudi batue ndondu mipite buimpe.

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Yone 1:1

Tudi tunufundila bua Muaku udi upetesha muoyi. Muaku awu uvuaku biangatshile ku tshibangidilu tshia bionsu. Tuvua bawumvue, baumone ne mesu etu, bautangile, baulenge ne bianza bietu.