2 Korente 3:14 - MUKANDA WA MYIDI MUKULU

¹⁴ Kadi lungenyi luabu kaluvua mua kumvua bualu to. Too ne ku lelu padibu babala mikanda ya ndondu wa kale, tshilamba tshia momumue tshidi tshibuikila lungenyi luabu. Badi bumusha tshilamba etshi amu padi muntu udisanga ne Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi meshi abo akakoleshibua, bualu bua tô ne ku dituku edi, habalabo dihungila dikulukulu, tshilulu tshikudika tshiotshimue tshitshidi tshishala, bualu ebu kabuena buanze kubuluibua kudibo ne, Tshidi tshiumushibua mu Kilisto.

2 Korente 3:14 ပူးပေါင်းရင်းမြစ်များ

Misambu 69:23

Nanku basombe ne benyi babu ku mesa, babutuke. Badie biakudia bilunga ne buanga mu bibilu biabu bia tshijila, bafue!

Yeshaya 25:7

Pa mukuna ewu, Maweja-Nangila neakandike tshilamba tshia madilu, tshivua bantu bavuale. Neumushe tshilamba tshivua tshileja dibungama, tshivua bukua matunga budibuikile natshi.

Yeshaya 44:18

Bantu aba badi mu mitu mitupu. Kabena bajingulula tshidibu benza to. Badi ne mesu mabuikila. Kabena basue kumona bimpe. Lungenyi luabu kaluena lukeba bulelela.

Yeshaya 56:10

Balombodi ba bantu banyi bena Izrayele, badi bampofu bonsu. Kabena bamanye kalu. Bonsu buabu badi bu mbua idi kayiyi yenza mutoyi, kayiyi ibuluka. Badi balotakana, badiolola panshi, basue kulala amu tulu.

Yeshaya 59:10

Tudi tuenda tutetuka, bu mpofu udi wenda ulonda tshimana. Tudi tububuta bu muntu, udi kayi umona kudiye uya. Munda munya tudi tutetuka, bu badi benda mu njila munda nkulu. Tudi ne bukole bua mubidi, kadi tukadi bu bantu bafue.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Yezekiyele 12:2

— Yezekiyele, udi musombe munkatshi mua bantomboji! Badi ne mesu, kadi kabena basue kumona. Badi ne matshi, kadi kabena basue kumvua, bualu badi bantu ba tshitunu.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Matayi 6:23

Kadi pikala mesu ebe kaayi amona bimpe, mubidi webe mujima udi mu midima. Nanku pikala butoke budi munda muebe buikale amu midima, newikale mu midima mikole be!

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Yowanane 12:46

Meme ndi mufike pa buloba bu butoke, bua muntu yonsu udi ungitaba kashadi mu miidima.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Bienzedi 13:15

Bantu bamane kubala mukanda wa Mikenji ne wa Bambi, bamfumu ba nzubu wa kutendelela kubalomba ne: — Bana betu, panuikala ne imue miaku ya kukolesha nayi bantu ku muoyi, nudi mua kuakula mpindiewu.

Bienzedi 15:21

Bualu kuonsu kuaka, bantu badi balongesha mikenji ya Moshe mu tshimenga tshionsu; kabidi badi babala mikenji eyi mu nzubu ya kutendelela matuku onsu a Dikisha.

Bienzedi 16:14

Umue wa kudibu, dina diende Lidiya, uvua mutumine ku tshimenga tshia Tiyatira. Uvua ngendamushinga wa bilamba bikunze bia mushinga mukole. Uvua mumane kulamata tshisumbu tshia bena ditaba ba bena Yuda. Uvua muteleje ne ntema bituvua tuamba. Mfumu kunzulula muoyi wende, bua umvue bimpe bivua Polu wakula.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

2 Korente 3:15

Lelu utudi ewu kabidi, misangu yonsu idibu babala mikanda ya Moshe, tshilamba tshidi tshibuikila lungenyi luabu.

2 Korente 3:6

Bualu Yeye mmutuenze bena mudimu ba ndondu mupiamupia. Mu ndondu awu, Mvidi Mukulu kena mutupe mikenji idibu bafunde nansha, kadi mmutupe Mueyelu wende. Mikenji idibu bafunde idi itufikisha ku lufu, kadi Mueyelu udi utufikisha ku muoyi.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Efeze 4:18

Badi ne lungenyi lukutakane. Bu mudibu bapange malu bikole, bapapisha muoyi wabu wa munda, kabakupeta muoyi udi Mvidi Mukulu ufila.