2 Korente 2:3 - MUKANDA WA MYIDI MUKULU

³ Ke pamvua munufundile mukanda wanyi awu! Tshivua musue kufika kuenu aku, bualu tshivua musue bua bambungamije kudi bantu bavua ne bua kunsankisha. Bualu ndi ngitaba ne: pandi nsanka, nuenu bonsu nudi nusanka.

Mukanda wa Nzambi Dihungila Dikulukulu ne Dihungila Dihia-dihia 2003

³ Nakanufundila bualu ebu mene bua meme, hanalua, tshikadi ne kanyinganyinga kudi bantu bandi ne bua kuikala ne disanka kudibo; ndi ne ditekemena kunudi bonso ne, Disanka dianyi didi dia buonso buenu.

2 Korente 2:3 ပူးပေါင်းရင်းမြစ်များ

1 Korente 4:21

Tshinudi nusungula ntshinyi? Mfike kuenu aku ne lukodi, anyi ne muoyi wa dinanga, kabidi ne miaku mimpe?

2 Korente 1:15

Bu mundi ntekemena nanku, mvua musue kunukumbula, bua Mvidi Mukulu anuele lupemba misangu ibidi.

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

2 Korente 12:11

Mvua mudileje bu muntu mutatakane. Kadi nuenu nuvua bambidike bua ngenze nanku. Nuenu ke bayua mua kundumbuluila. Bualu nansha meme muntu wa patupu, tshiena mushadile kudi bapostolu benu banudi nuamba ne: mba kalandamusenga abu.

2 Korente 12:21

Pangafika bua kumonangana nenu, ndi ntshina ne: Mvidi Mukulu wanyi neampuekeshe milongu ku mesu enu. Bualu nengase muadi, pandi mmona ba bungi bavua benze bibi kale, kabayi badilengeja lelu. Nanku nulekele buendenda, malu a bundu, ne bilema bikuabu binuvua benze.

2 Korente 13:10

Ndi munufundile bionsu ebi, nansha mundi mutantshi mule, bua, pangafika, tshikadi ne tshilumbu tshia kunubela ne disu dikole. Bualu Mfumu mmumpeshe bumfumu ki mbua kunyangakaja Tshisumbu, kadi amu bua kutshibaka.

2 Korente 2:9

Bualu pamvua munufundile mukanda wanyi, mvua musue kunuteta kabidi, bua mmone ne: nutshidi amu basue kuitaba bindi nnufundila anyi?

2 Korente 7:12

Tshivua munufundile mukanda, bualu bua muntu uvua muenze bibi, nansha bualu bua muntu uvuabu benzele bibi to. Kadi mvua musue kunuleja patoke ku mesu a Mvidi Mukulu, munudi nujinga kutua ku tshianyi.

2 Korente 7:16

Ndi musanke bua pandi mua kutekemena muanyi muonsu kunudi.

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.

2 Korente 7:8

Bualu mukanda wanyi umvua munutumine, uvua munubungamije. Kadi lelu tshiena nnyingalala bua bimvua munufundile nansha. Pamvua mumvue muvua mukanda wanyi munubungamije, mvua muanji kunyingalala.

2 Korente 8:22

Tudi tubatuma ne muanetu mukuabu, utuvua bamane kuteta misangu ya bungi. Tuetu kumusangana ne disuminyina misangu yonsu. Kadi mpindiewu udi ne disuminyina dipite, bualu udi munutekemene bikole.

Ngalate 5:10

Kadi bu mutudi badisange nenu mu Kristu, ndi amu mumanye ne: nudi ne meji a momumue ne anyi. Kadi muntu udi unupambula, ne nganyi ne nganyi, Mvidi Mukulu neamunyoke.

2 Tesalonike 3:4

Mu dina dia Mfumu, tudi tutekemena kunudi, tujadika mene ne: nansha lelu, nansha matuku atshidi kumpala, nudi amu nukumbaja bituvua banuambile.

Filemone 1:21

Pandi nkufundila apa, ndi mujadike ne: newenze tshindi mukulombe. Ndi mumanye ne: neutshikumbaje, upitshishe kabidi.