2 Korente 2:14 - MUKANDA WA MYIDI MUKULU

¹⁴ Kadi tutumbishayi Mvidi Mukulu, bualu misangu yonsu udi utubueja mu mulongu wa badi batshimuna, patudi badisange ne Kristu. Udi utuangata bu bena mudimu bende, bua tumanyishe Kristu miaba yonsu, mudi dipembu dia manananshi ditangalaka miaba yonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi tuasakidila kudi Nzambi udi utulombola misangu yonso bu bantu batambibue mu Kilisto, udi ununkishila dihembu dia lungenyi luandi mu bianza bietu ku miaba yonso.

2 Korente 2:14 ပူးပေါင်းရင်းမြစ်များ

Misambu 106:47

Maweja-Nangila Mvidi Mukulu wetu, utusungidile, utumbushe mu bisamba bia benyi, utusangishe pamue, bua bitumbishe dina diebe dia tshijila, tutue ntunku bua butumbi buebe.

Misambu 148:14

Kupeshaye tshisa tshiende lumu, kutshizangika. Kutumbishaye bantu badi bamulamata, kutumbisha tshisa tshiende tshijima tshia bena Izrayele. Tumbishayi Maweja-Nangila, Aleluya!

Musambu wa Solomo 1:3

dipite mafuta ebe a mupuya muimpe. Wewe udi ulobesha bakaji, bu manananshi adi anunka dipembu dimpe. Ke mudi nsongakaji yonsu ikunangila!

Yezekiyele 20:41

Meme mumane kunumusha munkatshi mua bisamba ne matunga anuvua bamuangalake, nennusangishe kaba kamue. Nengitabe milambu yenu ya dipembu dimpe. Nanku, malu onsu andi nnuenzela, nealeje bantu bakuabu ne: meme ndi Mvidi Mukulu wa tshijila.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Rome 1:8

Bangabanga ndi ngela Mvidi Mukulu tuasakidila, mu dina dia Yezu Kristu, bualu buenu bonsu. Bualu mu buloba bujima badi bayukila bua ditaba dienu.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

Rome 6:17

Kadi tutumbishayi Mvidi Mukulu: nuenu bavua kale bapika ba malu mabi, mpindiewu nudi bitabe ne muoyi wenu mujima malu malelela avuabu banulongeshe.

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

1 Korente 12:8

Muntu kampanda udi upeta kudi Mueyelu dipa dia kuakula ne meji. Mukuabu udi upeta kudi Mueyelu wa momumue dipa dia kuakula bilondeshile dimanya diende.

1 Korente 15:37

Tshiudi ukuna tshidi amu ntete patupu, nansha ya kuenza bukula, nansha mikuabu. Kadi kuvua mukuna mutshi to.

1 Korente 15:57

Kadi tudi tuela Mvidi Mukulu tuasakidila, bualu tudi tutshimuine kudi Mfumu wetu Kristu.

2 Korente 1:11

Bualu nuenu nudi nuambuluisha, panudi nnulombela kudiye. Padi bann bavule banlombela kudi Mvidi Mukulu, neabateleje. Nanku neanele lupemba. Diba adi bann ba bungi kabidi nebamuele tuasakidila.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

2 Korente 9:15

Tuelayi Mvidi Mukulu tuasakidila bua mapa ende, adi mapite bionsu bitudi mua kuela meji.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Kolose 1:6

Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

1 Tesalonike 1:8

Bualu bituadije kuenu, muaku wa Mfumu kutangalaka mu Masedoniya, ne mu Akaya. Kadi nansha miaba mikuabu yonsu, bantu badi amu bamanye munudi nuitaba Mvidi Mukulu. Nanku katuena ne bua kuakula bualu ebu to.

1 Tesalonike 3:9

Disanka dionsu dinudi nutusankisha nadi kumpala kua Mvidi Mukulu wetu, katuena ne miaku mikumbane ya kumuela nayi tuasakidila.

1 Timote 2:8

Ndi musue nanku bua bantu balume batendelele Mvidi Mukulu miaba yonsu, bele bianza mulu, batendelele ne muoyi mutoke, kabayi ne tshiji, nansha matandu munda.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

Didimanyisha 7:12

bamba ne: “Amene! Lumu, butumbi, meji, diela tuasakidila, kanemu, dikanda, ne bukole, bikale kudi Mvidi Mukulu wetu kashidi ne kashidi! Amene.”