2 Korente 13:5 - MUKANDA WA MYIDI MUKULU

⁵ Dikonkayi! Nutshidi bena ditaba anyi? Ditetayi! Kristu utshidi munkatshi muenu anyi? Panudi kanuyi bamone nanku, nukadi bamuvile.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuditete munda muenu ne nudi ne ditabusha anyi; nudijadike bienu. Kanuena badimanye ne Yesu Kilisto udi munda muenu, anyi? Udimu binuikala kanui babengibue.

2 Korente 13:5 ပူးပေါင်းရင်းမြစ်များ

Misambu 119:59

Ndi ndiela meji a malu amvua muenze, ndi mpingana ku mikenji yebe.

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Misambu 26:2

Maweja-Nangila, unkonkonone, undumbuluishe, tangila munda muanyi majinga ne meji bindi nabi.

Yirmeya 6:30

Badi bamba bantu abu ne: “Tshiamu tshitoke tshivua ne mushinga, tshikadi katshiyi ne mushinga.” Maweja-Nangila mmumane kubabenga.

Muadi 3:40

Tudikonkayi menemene bua nsombelu wetu, tupinganayi kudi Maweja-Nangila.

Yezekiyele 18:28

Neashale ne muoyi, bualu mmumone nuwuaye wenza bibi, mudilengeje. Nanku kakufua to.

Agayi 1:5

Meme Maweja-Nangila wa bukole buonsu, ndi nnuambila ne: Dikonkayi pa malu adi anuenzekela.

Agayi 1:7

Meme Maweja-Nangila wa bukole buonsu, ndi nnuambila tshiakabidi ne: Dikonkayi pa malu adi manuenzekele.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 15:4

Shalayi badisange nanyi, bu mundi mumane kudisanga nenu. Katamba pa nkayaku kakena mua kudikuamina tumuma, padiku kakayi ku mutshi. Ke munudi kanuyi mua kukuama bimuma, panudi kanuyi nushala badisange nanyi.

Yowanane 17:23

meme munda muabu, wewe munda muanyi, bua benze tshintu tshimue menemene, bua ba pa buloba bamanye ne: wewe uvua muntume; kabidi ne: udi mubanange muudi munnange.

Yowanane 17:26

Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Yowanane 6:56

Udi udia mubidi wanyi, unua mashi anyi, udi ne muoyi munda muanyi, meme kabidi ndi ne muoyi munda muende.

Yowanane 6:6

(Yezu uvua muebeje nanku awu bua kumanya tshivua Filipe mua kuandamuna, bualu uvua mudianze kumanya tshivuaye musue kuenza.)

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Rome 8:10

Padi Kristu munda muenu, nanku, nansha mubidi wenu mufundila lufu, bualu uvua wenza malu mabi, kadi Mueyelu udi uufulula munda muenu. Bualu Mvidi Mukulu uvua munubingishe kumpala kuende.

1 Korente 11:28

Nanku muntu yonsu adikonkonone, pashishe adie diampa, anuine mu dikopu edi.

1 Korente 11:31

Bu tuetu mua kudikonkonona kumpala, Mvidi Mukulu kavua mua kutunyoka nanku.

1 Korente 3:16

Nudi bamanye bulelela ne: nudi nzubu wa Mvidi Mukulu; kabidi ne: Mueyelu wa Mvidi Mukulu udi usomba munda muenu.

1 Korente 6:15

Nudi bamanye ne: mibidi yenu idi bidimba bia mubidi wa Kristu. Ndi mua kuangata tshidimba tshia mubidi wa Kristu, kutshienza tshidimba tshia mubidi wa mukaji muena tshiendenda anyi? Nansha kakese!

1 Korente 6:19

Kanuena bamanye ne: mubidi wenu udi nzubu wa Mueyelu wa Tshijila anyi? Mueyelu awu udi munda muenu. Nuvua baupete kudi Mvidi Mukulu. Nuenu nudi bintu bia bende bia Mvidi Mukulu.

1 Korente 6:2

Kanuena bamanye ne: bena tshisamba tshia Mvidi Mukulu nebalumbuluishe bantu bonsu anyi? Panudi mua kulumbuluisha bonsu ba pa buloba, munukadi kanuyi mua kukosa nsambu mikese idi munkatshi muenu mbishi?

1 Korente 9:24

Nudi bamanye bimpe ne: mu manaya bonsu badi banyema, kadi amu umue udi upeta nsala wa kalumbandi. Nanku nyemayi bikole, bua numupete.

1 Korente 9:27

Ndi ndituuta bikole, nkengesha mubidi wanyi mujima. Tshianana ndi bu muntu udi ubikila bakuabu bua bipatshile nsala wa kalumbandi, meme mene tshiyi mua kumupeta, mpangila mu njila.

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Ngalate 6:4

Muntu yonsu akonkonone nsombelu wende. Pikala nsombelu wende muimpe, asanke bua bivuaye muenze, kayi udifuanyikija ne bakuabu.

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

1 Timote 2:15

Kadi nebasungidile mukaji bua buledi buende, padiye unanukila mu ditaba ne mu dinanga, wenza amu ne bupuekele malu a tshijila adi Mvidi Mukulu musue.

2 Timote 3:8

Bu muvua Yanese ne Yambrese batombokele Moshe, ke mudi bantu abu babenga bulelela. Lungenyi lua bantu abu ndunyanguke. Ditaba diabu didi patupu.

Tite 1:13

mMuambilemu! Ke paudi ne bua kubabela bikole bua bapingane mu ditaba dilelela.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Tite 2:2

Longesha bantu bakulakaje bua badilame bimpe, badinemeke, bikale bena meji, bashindame mu ditaba, mu dinanga ne mu lutuulu.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Ebrewu 4:1

Mvidi Mukulu uvua mutulaye ne: nenubuele muaba undi munulongoluele bua nuenu kuikisha. Nanku tudimukayi, bua muntu wa kunudi kapangi kupeta muaba wa dikisha awu.

Ebrewu 6:8

Kadi padibu bumenesha meba ne mingonga, budi bua tshianana. Mvidi Mukulu neabuele mulawu, ku nshikidilu neabuoshe.

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.

1 Petro 5:9

Nuikale bashindame mu ditaba, numutuile nkanana. Numanye ne: bana benu bena ditaba badi batangalake mu buloba bujima, badi bumvua makenga amu munudi nuenu numvua.

Didimanyisha 2:5

Nanku vuluka muuvua kulu, wewe kupona panshi. Udilengeje, wenze bu muuvua muenze ku mbangilu. Kuyi mudilengeje, nemfike kuudi, ngumushe tshitekelu tshiebe tshia miendu pa muaba watshi.