2 Korente 12:4 - MUKANDA WA MYIDI MUKULU

⁴ Muamua, uvua mumvue miaku idibu kabayi mua kuambulula, nansha kumvuija mu miakulu idi bantu ba panu bakula.

Mukanda wa Nzambi Dihungila Dikulukulu ne Dihungila Dihia-dihia 2003

⁴ ne, Wakabandishibua mu Paladiso, wakunvua mei adi bantu kabai bamanye mua kuamba, adi mikenshi ikanda muntu bua kuâmbeye.

2 Korente 12:4 ပူးပေါင်းရင်းမြစ်များ

Yezekiyele 31:9

Mvua muulengeje ne matamba mimpe. Nanku mu Edene, lupangu lua Mvidi Mukulu, mitshi yonsu ivua ibaba mutshi awu.”

Yezekiyele 8:3

Tshintu atshi kuolola tshintu bu tshianza, kunkuata ku nsuki. Nanku, pavua Mvidi Mukulu undeja bionsu ebi, meme kumvua Mueyelu wende ungambula mulu mu kapepe, kuya kuntuluila mu Yerushalayime. Uvua muntuluile munda mua tshimenga, pabuipi ne tshiibi tshia tshimenga tshidi luseke lua ku mutu, muaba uvuabu bateke kabidi lupingu ludi lufikisha Mvidi Mukulu munda.

Luke 23:43

Ke Yezu kumuandamuna ne: — Ndi nkujadikila bulelela ne: lelu netuikale nebe mu mparadizu

Bienzedi 8:39

Bobu bamane kupatuka mu mayi, Mueyelu wa Tshijila kuambula Filipe. Muena Kushe nanshaye kumumona kabidi to. Kutungunukaye ne luendu, wenda usanka.

1 Korente 13:1

Nansha meme muakule miakulu ya bantu, ne ya batumibue ba Mvidi Mukulu, kadi tshiyi ne dinanga, miaku yanyi idi amu bu ludibu ludi luenza mutoyi, ludila, nansha bu ngonga udi udila.

2 Korente 12:2

Ndi mumanye muena Kristu kampanda, uvuabu bambule, baye nende mu diulu muamua menemene, kukadi bidimu dikumu ne binayi. (Tshiena mumanye ne: uvua muye ne mubidi wende anyi Mvidi Mukulu mumuleje mu lungenyi malu a kuaka. Mvidi Mukulu nkayende ke udi mumanye.)

1 Tesalonike 4:17

Pashishe tuetu batshidi ne muoyi diba adi, nebatuambule pamue nabu mu mavuba, bua tusambakene ne Mfumu mulu. Ke mutuikala ne Mfumu matuku onsu tshiendelele.

Didimanyisha 12:5

Ke mukaji kulela muana wa balume, wavua kuludika matunga onsu ne dikombu dia tshiamu. Kadi kubakulabu muana, kuya nende too ne ku nkuasa wa butumbi wa Mvidi Mukulu.

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”