2 Korente 11:9 - MUKANDA WA MYIDI MUKULU

⁹ Matuku amvua mulale kuenu aku, pamvua nkengela makuta, muntu nansha umue kavua muambule bujitu buanyi. Bana hetu bayua bumukila ku Masedoniya, ke bayua bantuadila bionsu bimvua nkengela. Tshivua musue kunuomekela bujitu buanyi ku kalu nansha kamue. Ke mungenza kabidi mu matuku atshidi kumpala.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Ne hanakadi nʼenu nkengela bintu, tshiakadi bu bujitu hamʼbidi ba muntu; bualu bua bana betu ba ma Kilisto, hakafumabo ku Makedonia, bakankuatshisha bu muakadi dikenga dianyi; nakadilamununa mu malu onso bua meme tshikadi bu bujitu hamʼbidi henu; nendilamunune nunku kabidi.

2 Korente 11:9 ပူးပေါင်းရင်းမြစ်များ

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Bienzedi 18:3

Bu muvuabu bamanye mudimu wa momumue (bavua benji ba nzubu ya ntenta), Polu kuya kusomba kuabu, bua bakuate mudimu pamue.

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Bienzedi 20:33

Tshivua mulombe muntu nansha umue nkanu ya tshiamu tshitoke tshia mushinga mukole, nansha mpawungi, nansha bilamba.

Rome 15:26

Bualu bena ditaba ba mu Masedoniya ne ba mu Akaya bavua bapangadika bua kusangisha makuta, bua kuambuluisha bakengi ba mu Tshisumbu tshia bena ditaba badi mu Yerushalayime.

1 Korente 16:17

Ndi musanke bua difika dia Stefanaze, Fortunatuse ne Akayukuse. Bavua bangambuluisha pa mutu penu, bualu kanuvuapu.

2 Korente 6:4

Kadi mu malu onsu tudi tuleja mutudi tukuatshila Mvidi Mukulu mudimu. Tudi tulama lutuulu mu makenga, mu ntatu, ne mu njiwu.

2 Korente 9:12

Bualu mudimu unudi nukuata awu kawena wambuluisha amu bena tshisamba tshia Mvidi Mukulu. Kadi netupete kabidi tshipeta tshikuabu tshipite bimpe, bualu bantu ba bungi nebele Mvidi Mukulu tuasakidila.

Filipe 2:25

Ndi muele meji ne: mbimpe kunupingajila muanetu Epafrodite. Uvua mukuate nanyi mudimu, muendakane nanyi mu mvita. Yeye ke unuvua bantumine bua angambuluishe mu dikenga dianyi.

1 Tesalonike 2:6

Katuvua bakebe bua nuenu, nansha bua bantu bakuabu batutumbishe.

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

Ebrewu 11:37

Bavua bashipe bamue ne mabue, bapanda bakuabu ne nsele bipesa bibidi, anyi babashipa ne muele. Bavua baya eku ne eku bavuale biseba bia mikoku anyi bia mbuji. Bavua bapele. Bavua babakengesha, babanyanga bibi.