2 Korente 11:7 - MUKANDA WA MYIDI MUKULU

⁷ Pamvua munulongeshe Lumu lua Disanka, tshivua mulombe difutu. Mvua mudipuekeshe bua kununemesha. Pamvua muenze nanku, mvua muenze bibi anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁷ Meme nakenza bualu bubi hanakadihuekesha bua nuenu nubandishibue, bualu bua nakanuambila lumu luimpe lua Nzambi tshi ne difutu, anyi?

2 Korente 11:7 ပူးပေါင်းရင်းမြစ်များ

Bienzedi 20:33

Tshivua mulombe muntu nansha umue nkanu ya tshiamu tshitoke tshia mushinga mukole, nansha mpawungi, nansha bilamba.

Bienzedi 20:34

Nudi bamanye nuenu bine mumvua mukuate mudimu bua kupeta bionsu bituvua tukengela, meme ne bavua nanyi mu luendu.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

1 Korente 9:12

Padi bakuabu mua kupeta bia nanku kunudi, tuetu katuena mua kubipeta anyi? Tudi bashadile kudibu anyi? Kadi katuvua balombe bituvua mua kulomba nansha. Pa mutu pa kuenza nanku, tuoua tuditatshisha bua kupeta bituvua tukengela, bua katujikidi Lumu lua Disanka ludi lutangila Kristu njila.

1 Korente 9:6

Nanku amu meme ne Barnabase, ke badi ne tshilumbu tshia kukuata mudimu ne bianza, bua kupeta tshiakudia tshietu anyi?

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

2 Korente 10:16

Ditaba dienu dimane kukola, netumone mua kutantshisha Lumu lua Disanka mu matunga a kupita kuenu aku, katuyi tuditemba bua mudimu uvua bakuabu bakuate muaba mukuabu.

2 Korente 12:13

Tshindi muenzele Bisumbu bikuabu bia bena ditaba, mubenge kunuenzela nuenu ntshinyi? Ee, bubi bumvua munuenzele: tshivua munulombe diambuluisha! Bu mundi munukengeshe nanku, numfuile amu luse!

2 Korente 2:12

Pamvua mufike mu Trowase, bua kumanyisha bantu Lumu lua Disanka lua Yezu Kristu, mvua musangane ne: Mvidi Mukulu, bualu bua dinanga didiye utunanga nadi, mmunzuluile njila muimpe wa meme kuenza mudimu.

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

2 Tesalonike 3:8

Muntu kavua mutupe biakudia tshianana. Kadi tuvua bakuate mudimu, bapungile bikole. Tuvua benze mudimu munya ne butuku, bua muntu nansha umue wa kunudi kambudi bujitu buetu.