2 Korente 11:6 - MUKANDA WA MYIDI MUKULU

⁶ Bumue tshiena mumanye mua kuakula bimpe. Kadi bua dimanya, ndi nadi. Ke bimvua munuleje patoke matuku onsu, kabidi mishindu yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bingikala ne matuhakana mu kuamba kuanyi, tshiena nʼau mu lungenyi luanyi; bulelela, mu nshila yonso tuakanulesha bualu ebu mu malu onso.

2 Korente 11:6 ပူးပေါင်းရင်းမြစ်များ

1 Korente 1:17

Kristu kavua muntume bua kutua bantu mu mayi nansha. Uvua muntume bua kumanyisha bantu Lumu lua Disanka. Kadi tshiena ndumanyisha ne meji a bantu, bua lufu lufuila Kristu pa mutshi mutshiamakane kalujimiji bukole bualu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 12:8

Muntu kampanda udi upeta kudi Mueyelu dipa dia kuakula ne meji. Mukuabu udi upeta kudi Mueyelu wa momumue dipa dia kuakula bilondeshile dimanya diende.

1 Korente 2:13

Nanku katuena tulongesha malu aa ne miaku idi ileja meji a bantu, kadi amu ne miaku idi Mueyelu wa Mvidi Mukulu utumanyisha. Ke mutudi tumvuija bantu bidi Mvidi Mukulu muenze, ne miaku idi Mueyelu ewu utumanyisha.

2 Korente 10:10

Bualu badi bamba ne: “Mu mikanda ya Polu mudi miaku mikole idi itapa ku matshi. Kadi padiye munkatshi muetu, udi bu kantu ka patupu, wakula bikuata ne luse.”

2 Korente 12:12

Lutuulu lumvua nalu, malu a dikema ne bishima bimvua muenze munkatshi muenu, ke bivua mua kunujadikila mundi mupostolu.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

2 Korente 6:6

Tudi tuleja mutudi tukuatshila Mvidi Mukulu mudimu, bualu munda muetu kamuena meji mabi. Tudi tukuatshila Mvidi Mukulu mudimu ku meji mimpe atudi nawu munda, ku dimanya dituvua bapete, ku lutuulu, ku muoyi wa kalolu, ku mapa atuvua bapete kudi Mueyelu wa Tshijila, ku dinanga dilelela ditudi tuleja bantu,

2 Korente 7:2

Tunzuluilayi mioyi yenu! Katuena benzele muntu nansha umue bibi. Katuena banyenge muntu bivuaye nabi. Katuena bakengeshe muntu.

Efeze 3:4

Nuenu baabale, nudi mua kujingulula mundi mupete lungenyi lua kumvua nalu bualu busokome budi butangila Kristu.