2 Korente 11:10 - MUKANDA WA MYIDI MUKULU

¹⁰ Mu dina dia bulelela bua Kristu budi munda muanyi, ndi mujadike ne: muntu nansha umue mu ditunga dijima dia Akaya, kena mua kunnyenga lumu luanyi elu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bu mudi bushua bua Kilisto munda muanyi, kakuena muntu udi mua kunkanda mu bualu bundi ntumbila mu nseke ya Akaya.

2 Korente 11:10 ပူးပေါင်းရင်းမြစ်များ

Bienzedi 18:12

Pavua Ngaliyone muena Rome mupete muanzu wa mulombodi wa buloba bua Akaya, bena Yuda kumyuangana bua kuluisha Polu. Kumukuatabu, kuya nende ku tshilumbuluilu,

Bienzedi 18:27

Pashishe Apolose uvua musue kuya mu Akaya. Bena ditaba kumukolesha ku muoyi bua ayemu. Kufundilabu bena ditaba ba mu buloba abu, bua bamuakidile bimpe. Yeye mumane kufika mu Akaya, kuambuluishaye bikole bantu bakavua bamane kuitaba ku luse lua Mvidi Mukulu.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 16:5

Elayi kabidi bena ditaba badi basangile kumbelu kuabu muoyi. Elayi Epayinete, mulunda wanyi musuibue, muoyi. Yeye ke muntu wa kumpala wa mu buloba bua Aziya uvua muitabe Kristu.

Rome 9:1

Ndi ngamba malu malelela. Ndi wa Kristu, nanku tshiena nshima to. Kondu kanyi ka munda kabidi kadi kanjadikila ku bukole bua Mueyelu wa Tshijila ne: bindi ngamba bidi bilelela ne:

1 Korente 16:15

Nudi bamanye Stefanaze, ne ba mu nzubu muende. Bobu ke bantu ba kumpala mu Akaya bavua bitabe, bakuatshile Tshisumbu tshia bena ditaba nabu mudimu. Bana hetu, ndi nnulomba ne:

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

2 Korente 10:15

Nanku katuena tusambuka mikalu. Katuena tuditemba bua midimu ivua bakuabu bakuate. Kadi tudi batekemene ne: ditaba dienu nedikole, bua tumone mua kukuata mudimu mupite bunene munkatshi muenu, katuyi tupita mikalu ivua Mvidi Mukulu mutufundile.

2 Korente 11:12

Nengenze amu mundi ngenza mpindiewu. Bualu tshiena musue bua bapostolu benu ba kalanda musenga abu bambe ne: “Tudi tukuata mudimu mushindu wa momumue ne Polu.”

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

2 Korente 9:2

Bualu ndi mumanye munudi basue kuambuluisha. Ke mumvua muditambishe bualu buenu, ngambila bena Masedoniya ne: “Bana hetu ba mu Akaya bakadi babange kusangisha bintu kukadi tshidimu tshijima.” Nanku disuminyina dienu divua disonsola ba bungi ba kudibu.

Ngalate 1:20

Bindi nnufundila ebi mbilelela. Ndi njadika ku mesu a Mvidi Mukulu ne: tshiena nshima.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

1 Tesalonike 2:10

Nuenu nudi mua kujadika bitudi tuamba. Mvidi Mukulu kabidi udi mua kubijadika: nsombelu wetu nenu, bena ditaba, uvua muakane, mululame, kayi kalema.

1 Tesalonike 2:5

Nudi bamanye bimpe ne: katshia katutu banji kuakula meyi a lubombu, nansha basokoke lukuka lua biuma mu meyi etu. Mvidi Mukulu udi mua kutujadikila nanku.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.