2 Korente 10:8 - MUKANDA WA MYIDI MUKULU

⁸ Tshiena ne bua kufua bundu, nansha meme muditambishe kakese, bua bumfumu buvua Mfumu mutupeshe. Bumfumu ndi nabu amu bua kunutuma kumpala mu tshisumbu, ki mbua kunubutula nabu to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Binatamba kutumba tshituha bua bukokeshi buetu buakatuha Mukelenge bua kunudiundisha nʼabu, kembua kunushimbula nʼabu, tshiena nfuishibua bundu;

2 Korente 10:8 ပူးပေါင်းရင်းမြစ်များ

2 Korente 1:24

Katuena basue kunufundila tshinudi ne bua kuitaba, bualu nukadi bashindame mu ditaba. Kadi tudi tujinga kukuata nenu mudimu, bua nupete diakalenga.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

2 Korente 10:9

Tshiena musue kumueneka bu muntu udi ukeba kunukuatshisha bowa ne mikanda yanyi.

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

2 Korente 12:6

Meme musue kuditemba, tshiakudileja bu muntu mutatakane to. Bualu nengambe amu malu malelela. Kadi tshiena musue kuditemba. Ndi musue muntu angangate ne mushinga bua bidiye mumone ngenza, nansha bua bidiye mumvue ngakula, kayi upitshisha.

2 Korente 13:10

Ndi munufundile bionsu ebi, nansha mundi mutantshi mule, bua, pangafika, tshikadi ne tshilumbu tshia kunubela ne disu dikole. Bualu Mfumu mmumpeshe bumfumu ki mbua kunyangakaja Tshisumbu, kadi amu bua kutshibaka.

2 Korente 13:8

Bualu katuena tuluisha bulelela bua Mvidi Mukulu. Tudi tubuluila diba dionsu.

2 Korente 7:14

Mvua muanji kuditemba kakese bualu buenu ku mesu kuende. Nanku kanuena bamfuishe bundu. Bualu bu mutuvua banuambile misangu yonsu amu malu malelela, nansha pamvua muditembe bualu buenu ku mesu a Tite, tshivua mushime to.

2 Korente 7:4

Ndi nnuambila malu onsu patoke! Ndi nditemba bualu buenu! Mu makenga etu onsu ndi mukoleshe amu muoyi, mumvue kabidi amu disanka dipite.

Ngalate 1:1

Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.