2 Korente 10:5 - MUKANDA WA MYIDI MUKULU

⁵ Tudi tubumbula nabi ditambisha dionsu didi dijikila njila wa kumanya Mvidi Mukulu. Tudi tuela meji onsu mu nkanu, bua itabe Kristu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ bidi bishimbula meshi onso ne tshintu tshionso tshidi tshileha mulu tshidi tshibandishibua bua kuhumbisha nʼatshi lungenyi lua Nzambi, bidi bivuisha meshi onso mu buhika bua kutumikilau Kilisto;

2 Korente 10:5 ပူးပေါင်းရင်းမြစ်များ

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

2 Bakalenga 19:22

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua utangila, kuyi ne kanemu, nnganyi? Uvua unsendeka mmeme Mvidi Mukulu, wa tshijila wa Izrayele!

2 Bakalenga 19:28

Wewe udi mumfunyine bushuwa. Mvua mumvue muuvua mumpende ne dikamakama. Nanku nenkutekeshe, nkuela kakanu ku diulu, ne lukanu lua tshiamu mukana. Nenkupingaje kuebe, amu mu njila uuvua mufumine.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

Misambu 139:2

Udi mumanye pandi nsomba nansha mbika, majinga anyi udi muamanye kale.

Misambu 18:27

Badi ne muoyi mutoke, udi ubaleja muoyi muimpe, ubenga ba muoyi mubi.

Misambu 18:44

Udi mumpandishe mu bianza bia bantu batomboke, munteke mukalenga wa bisamba. Bantu bamvua tshiyi mumanye, bakadi bantumikila.

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Nsumuinu 15:26

Maweja-Nangila udi udiombola meji mabi adi bantu bela, kadi udi wanyisha miaku ya dijingilangana nayi disanka.

Nsumuinu 24:9

Meji adiye wela adi amufikisha ku bubi. Bantu kabidi kabena bananga muntu udi useka bakuabu.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Yirmeya 23:29

Numanye ne: muaku wanyi udi bu kapia, bu nyindu mukole, udi uzaza lubuebue.

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yezekiyele 17:24

Diba adi, mitshi yonsu ya mu mpata neyimanye ne: ndi Maweja-Nangila. Ndi ngipidija mitshi idi mitumbuke, ndi ndepesha idi mipi. Ndi ngumisha mitshi mibishi. Ndi ngelesha mitshi miume ntonga. Meme Maweja-Nangila ndi njadika nanku awu. Nenkumbaje anu mundi muambe amu.”

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Luke 1:51

Uvua muenze midimu minene ku bukole bua diboku diende. Uvua mutangalaje bena ditambisha, bua bapange kukumbaja bivuabu belele meji.

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 16:26

Kadi mpindiewu bavua baaleje patoke. Mikanda ya bambi idi ijadika nanku. Mvidi Mukulu mmufume diyi bua bamanyishe bisamba bionsu meji masokome aa, bua bitabe Lumu lua Disanka, bitamikile Mvidi Mukulu.

Rome 7:23

Kadi mu bindi ngenza ndi mpeta mukenji mukuabu, udi uluangana ne mukenji udi muoyi wanyi musue. Mukenji mukuabu awu udi ungela mu lukanu, bua ngikale mu bindi ngenza mupika wa bubi budi munda muanyi.

1 Korente 1:19

Ke padi Mukanda wa tshijila wamba ne: “Nembutule meji a bena meji, nembenge dimanya dia bena lungenyi.”

1 Korente 3:19

Bualu meji a panu adi bupale kumpala kua Mvidi Mukulu. Ke mudi Mukanda wa tshijila wamba ne: “Mvidi Mukulu udi ukuata bena meji mu buteyi bua budimu buabu.”

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

2 Korente 9:13

Panudi nukumbaja mudimu ewu ne muoyi umue, bantu ba bungi nebatumbishe Mvidi Mukulu bualu buenu. Nebanuele tuasakidila, bua panudi nuitaba Lumu lua Disanka lua Kristu muenu muonsu, kabidi bua muoyi wa kalolu unudi nuabanyangana nabu, kabidi ne bantu bakuabu bonsu, bintu bienu.

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.