2 Korente 10:4 - MUKANDA WA MYIDI MUKULU

⁴ Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

Mukanda wa Nzambi Dihungila Dikulukulu ne Dihungila Dihia-dihia 2003

⁴ bualu bua bintu bietu bia nvita kabiena bia mubidi, kadi bidi bikole ku mesu kua Nzambi bia kushimbula nʼabi ngumbu ya nvita;

2 Korente 10:4 ပူးပေါင်းရင်းမြစ်များ

Misambu 110:2

Maweja-Nangila neafikishe bukokeshi buebe too ne kule, kubangila ku nzubu wa Mvidi Mukulu wa mu Siyone. Wewe ukokeshe baluishi badi bakunyungulukile.

Yeshaya 30:25

Dituku didibu bakuata tuleya tua baluishi benu, bashipa bena lukuna benu, misulu ya mayi neipueke pa mikuna yonsu minene ne mikese.

Yirmeya 1:10

Tangila, lelu ndi nkupa mudimu wa kuenza munkatshi mua bisamba ne makalenga, wa kujuula ne miji, ne wa kushimbula, wa kubutula, ne wa kunyangakaja, kadi kabidi wa kuasulula ne kukuna.

Yirmeya 23:29

Numanye ne: muaku wanyi udi bu kapia, bu nyindu mukole, udi uzaza lubuebue.

Bienzedi 7:22

Ke muvuabu balongeshe Moshe malu onsu avua bena Ejipitu bamanye. Kuenzaye muntu uvua mumanye mua kuakula ne kulongolola malu.

Rome 13:12

Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

Rome 6:13

Kanufidi kabidi bidimba bishilangane bia mubidi wenu ku malu mabi, bu biamu bia mudimu bia kuenza nabi bidi Mvidi Mukulu ubenga. Kadi nudifile kudi Mvidi Mukulu, bu bantu bavua babike ku lufu, bapete muoyi. Nudifile muenu muonsu bua kumuenzela mudimu. Bidimba bienu bikale biamu bia mudimu bia kuenza nabi bidi Mvidi Mukulu musue.

1 Korente 2:5

Nanku ditaba dienu kadiena dishindama pa meji a bantu, kadi amu pa bukole bua Mvidi Mukulu.

1 Korente 9:7

Katshia nukadi bumvue bamba ne: musolayi udi mua kudifuta bua mudimu udiye wenza mu mvita anyi? Muntu udi ne budimi bua mvinyo, kena mua kudia tumuma tua mu budimi abu anyi? Udi ulama mikoku, kena mua kunua mabele ayi anyi?

2 Korente 10:8

Tshiena ne bua kufua bundu, nansha meme muditambishe kakese, bua bumfumu buvua Mfumu mutupeshe. Bumfumu ndi nabu amu bua kunutuma kumpala mu tshisumbu, ki mbua kunubutula nabu to.

2 Korente 13:10

Ndi munufundile bionsu ebi, nansha mundi mutantshi mule, bua, pangafika, tshikadi ne tshilumbu tshia kunubela ne disu dikole. Bualu Mfumu mmumpeshe bumfumu ki mbua kunyangakaja Tshisumbu, kadi amu bua kutshibaka.

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

2 Korente 6:7

ku malu atudi tulongesha amu pa wowu, ne ku bukole butudi tupeta kudi Mvidi Mukulu. Nanku tshia mvita tshitudi tudisungidila natshi, nansha tshitudi tuluisha natshi bakuabu, ke malu mimpe atudi tuenza, adi Mvidi Mukulu ne bantu mua kuanyisha.

1 Tesalonike 5:8

Kadi tuetu badi benda mu munya, tudilame ku bunuavi ne ku budiavi. Tudi ne bua kuvuala ditaba ne dinanga, mudibu bavuala kazaku ka tshiamu mu mvita. Tuvuale kabidi ditekemena dia tuetu kupanda, mudibu basa tshifulu tshia tshiamu ku mutu.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

2 Timote 2:3

Kenga nanyi, mudi musolayi wa muoyi umue wa Yezu Kristu wenza.

Ebrewu 11:30

Amu bua ditaba, bimana bia Yeriko kupona panshi pavua bena Izrayele banyungulukila tshimenga matuku muanda mutekete.

Yoshua 6:20

Batuangaji kuela mpungi. Bena Izrayele bumvue mpungi ayi, kuelabu bibingu bikole bia mvita. Bimana bia tshimenga kupukabi panshi mbuu. Diakamue bena Izrayele kubanda ku tshimenga. Muntu yonsu kuya buludi ne muaba uvuaye mululamangane nawu. Kukuatabu tshimenga.