2 Korente 10:18 - MUKANDA WA MYIDI MUKULU

¹⁸ Bualu muntu udi udianyisha, kena ne mushinga nansha, kadi amu udi Mfumu muanyishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kenyeye udi udianyisha udi witabushibua, kadi yeye udi Mukelenge wanyisha.

2 Korente 10:18 ပူးပေါင်းရင်းမြစ်များ

Nsumuinu 12:8

Badi batumbisha muntu wa meji. Kadi badi badiwula muntu mububakane.

Nsumuinu 21:2

Muntu yonsu udi wela meji ne: bionsu bindi ngenza bidi bimpe. Kadi Maweja-Nangila udi ulumbuluisha muntu bilondeshile malu adiye wipatshila.

Nsumuinu 27:2

Bakuabu bakutumbishe. Kadi wewe kudianyishi nansha!

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Yowanane 12:43

Bavua basue nangananga bua bantu babanyishe, pa mutu pa kukeba bua Mvidi Mukulu abanyishe.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Rome 14:18

Muntu udi ukuatshila Kristu mudimu mushindu ewu, udi usankisha Mvidi Mukulu. Bantu kabidi nebamuanyishe.

Rome 16:10

Elayi Apelese muoyi. Uvua muleje muende muonsu mudiye witaba Kristu. Elayi bena diku dia Aristobule muoyi.

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

1 Korente 11:19

(Matapuluka adi ne bua kuenzeka munkatshi muenu, bua badi balama ditaba dilelela, bamueneke patoke.)

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 10:12

Bushuwa katuena ne dikima dia kuditeka mu mulongu umue, nansha dia kudifuanyikija, ne bamue badi badipa lumu nkayabu. Badi bantu batatakane, badi badienzela tshipimu tshia kudipima natshi, badilumbuluisha bobu nkayabu.

2 Korente 13:7

Tudi tulomba Mvidi Mukulu bua kanuenji bualu bubi nansha bumue. Katuena tujinga kudileja ne: tudi ne bukole. Kadi tshitudi tujinga tshidi amu ne: nuenze malu mimpe. Nansha tuetu bimueneka bu bantu badi kabayi ne bukole, ki mbualu to.

2 Korente 3:1

Bitudi bambe ebi bidi bileja ne: tudi basue tshiakabidi kuditemba anyi? Tudi bu bamue badi bakengela mikanda ya kudileja nayi kunudi, nansha badi banulomba mikuabu bua kuya kudileja nayi kudi bakuabu anyi?

2 Korente 5:12

Katuena basue kuditemba tshiakabidi kunudi. Kadi tudi tujinga kunupetesha tshikondu tshinudi mua kuditemba bualu buetu. Ke munudi mua kupuwisha badi baditemba bua bidi bimueneka, kabayi bamanye bidi mu muoyi wa muntu.

2 Korente 6:4

Kadi mu malu onsu tudi tuleja mutudi tukuatshila Mvidi Mukulu mudimu. Tudi tulama lutuulu mu makenga, mu ntatu, ne mu njiwu.

2 Timote 2:15

Ukuate mudimu bimpe, bua bakuanyishe kudi Mvidi Mukulu, bu muena mudimu udi kayi ne bua kufua bundu bua mudimu wende, bualu udi umanyisha muaku wa Mvidi Mukulu mu bulelela.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.