2 Korente 10:13 - MUKANDA WA MYIDI MUKULU

¹³ Kadi tuetu katuena basue kuditambisha tupita mikalu. Mvidi Mukulu uvua muanyishe bua tulongeshe Lumu lua Disanka kuenu aku. Ke bindi mua kuditambishila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi katuena tuditumbisha ku mutu kua luelekeshi luetu, kadi netudielekeshe ku kuelekesha kua luidi luakatutekela Nzambi bu luidi, bua kufikalu tô ne kunudi.

2 Korente 10:13 ပူးပေါင်းရင်းမြစ်များ

Misambu 19:4

Kabiena biyukila, kabiena biamba bualu, katuena nansha tunwua tshintu.

Nsumuinu 25:14

Muntu udi uditambisha bua bintu bidiye kayi upeshangana, mmufuanangane ne mavuba ne lupepele bidi kabiyi bilokesha mvula.

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

Matayi 25:15

Uvua mushile umue nkanu ya mpawungi nkama itanu, mukuabu nkanu nkama ibidi, muisatu nkanu lukama, bilondeshile bukole buvua yonsu mua kukuata nabu mudimu. Pashishe kuyaye ku luendu.

Rome 10:18

Nanku ndi nkonka ne: Kabena bumvue Lumu alu anyi? Eyowa, mbalumvue! Mukanda wa tshijila udi wamba ne: “Diyi diabu divua diumvuike pa buloba bujima, miaku yabu mmifike too ne ku ntengu ya buloba.”

Rome 12:3

Mu dina dia dipa didi Mvidi Mukulu mumpeshe ku luse luende, ndi nnuambila bonsu ne: kanuditembi bu bapite bakuabu nansha. Ikalayi ne lungenyi lua kalolu. Yonsu wa kunudi adiangate ne mushinga, bilondeshile mudiye muitabe Mvidi Mukulu.

Rome 12:6

Tudi ne mapa mashilangane. Tukuate nawu mudimu, bilondeshile bivua Mvidi Mukulu mupeshe muntu yonsu amu patupu ku luse luende. Padi muntu wa kutudi ne dipa dia kuambila bantu malu adi Mvidi Mukulu umumanyisha, udi ne bua kuenza nanku, bilondeshile ditaba didiye nadi.

Rome 15:20

Kadi mvua musue kumanyisha Lumu lua Disanka amu miaba ivuabu kabayi banji kumvua batela Kristu. Tshivua musue kuibaka pa bitaku bivua muntu mukuabu muase.

1 Korente 12:11

Amu Mueyelu umue wa momumue awu, ke udi ufila bionsu abi. Udi upesha muntu yonsu diende dipa dia pa buadi bu mudiwu musue.

Efeze 4:7

Kadi yonsu wa kutudi mmupete dipa dia pa buadi, bilondeshile muvua Kristu mudifile.

1 Petro 4:10

Nuambuluishangane ne mapa adi yonsu wa kunudi mupete kudi Mvidi Mukulu. Ke munudi mua kuenza mudimu bimpe ne mapa mashilangane anudi bapete kudi Mvidi Mukulu nanku.