2 Korente 10:12 - MUKANDA WA MYIDI MUKULU

¹² Bushuwa katuena ne dikima dia kuditeka mu mulongu umue, nansha dia kudifuanyikija, ne bamue badi badipa lumu nkayabu. Badi bantu batatakane, badi badienzela tshipimu tshia kudipima natshi, badilumbuluisha bobu nkayabu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Katuena ne dikima bua kudibala anyi bua kudielekesha ne bantu aba bakuabo badi baditumbisha; kadi bobo nkayabo, badi bidikishangana ne badi belekeshangana, kabena ne lungenyi,

2 Korente 10:12 ပူးပေါင်းရင်းမြစ်များ

Yobe 12:2

Bushuwa, amu nuenu nkayenu ke badi ne meji, nuenu bafua, meji adi afua kabidi.

Nsumuinu 25:27

Ki mbimpe kudia buitshi kupitshisha, nansha kukeba lumu kuela ne nseka.

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Nsumuinu 27:2

Bakuabu bakutumbishe. Kadi wewe kudianyishi nansha!

Luke 18:11

Muparushe uvua muimane kulu, utendelela, wamba mundamunda muende ne: “Mvidi Mukulu wanyi, ndi nkuela tuasakidila, bualu tshiena bu bantu bakuabu. Bonsu badi amu biba, bakengesha bantu, babuelela bakaji ba bende mu nzubu. Ndi nkuela tuasakidila nangananga, bualu tshiena bu mulambuishi wa bitadi wawa.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

2 Korente 10:11

Muntu udi wamba nanku, amanye ne: bu mudi mikanda yanyi inutapa ku matshi, meme muikale kule, ke muanutapa kabidi miaku yanyi ku matshi patuamonangana nenu mpala ne mpala.

2 Korente 10:18

Bualu muntu udi udianyisha, kena ne mushinga nansha, kadi amu udi Mfumu muanyishe.

2 Korente 3:1

Bitudi bambe ebi bidi bileja ne: tudi basue tshiakabidi kuditemba anyi? Tudi bu bamue badi bakengela mikanda ya kudileja nayi kunudi, nansha badi banulomba mikuabu bua kuya kudileja nayi kudi bakuabu anyi?

2 Korente 5:12

Katuena basue kuditemba tshiakabidi kunudi. Kadi tudi tujinga kunupetesha tshikondu tshinudi mua kuditemba bualu buetu. Ke munudi mua kupuwisha badi baditemba bua bidi bimueneka, kabayi bamanye bidi mu muoyi wa muntu.