2 Korente 10:1 - MUKANDA WA MYIDI MUKULU

¹ Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Meme Paulo, ndi nusengelela bua kalolo ne lutulu bia Kilisto, meme hangikala ku mesu kuenu, ndi muhuekele munkatshi muenu, hangikala tshi nʼenu, ndi ne dikima kunudi;

2 Korente 10:1 ပူးပေါင်းရင်းမြစ်များ

Misambu 45:4

Tshilobu, suika mukaba, upayike muela. Ke bidi bileja butumbi ne lumu biebe.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 11:29

Ambulayi bujitu buanyi pambidi penu. Nuanyishe bua meme kunulongesha, bualu ndi mupole ne mupuekele ku muoyi. Nanku nenupete dikisha mu mioyi yenu.

Matayi 21:5

“Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Bienzedi 8:32

Miaku ya mu Mukanda wa tshijila ivuaye ubala ivua nenku: “Uvua bu mukoku udibu baya nawu ku tshishipelu, bu muana wa mukoku udi upuwa, padibu bamukulula boya. Kavua muakule muaku nansha umue.

Rome 10:20

Ke padi muambi Yeshaya ukimina kuamba ne: “Mvidi Mukulu udi wamba ne: Tuamonanganyi ne bantu bavua kabayi bankeba. Ndi mudileje kudi bavua kabayi bangebeja bualu.”

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 15:15

Kadi miaba mivule mu mukanda wanyi ewu, mvua munufundile ne dikima, bua kunuvuluija binuvua bamane kulonga. Mvua munufundile nanku, bualu Mvidi Mukulu uvua mumpeshe dipa,

1 Korente 2:3

Ke pamvua mudileje kunudi ne butekete, nzakala ne buowa.

1 Korente 4:10

Tudi bantu bapale bualu bua Kristu, kadi nuenu nudi ne meji badisange ne Kristu. Tuetu katuena ne bukole, kadi nuenu nudi nabu. Badi batupenda, kadi nuenu badi banunemeka!

1 Korente 4:21

Tshinudi nusungula ntshinyi? Mfike kuenu aku ne lukodi, anyi ne muoyi wa dinanga, kabidi ne miaku mimpe?

2 Korente 10:10

Bualu badi bamba ne: “Mu mikanda ya Polu mudi miaku mikole idi itapa ku matshi. Kadi padiye munkatshi muetu, udi bu kantu ka patupu, wakula bikuata ne luse.”

2 Korente 10:2

kanumbikidi bua meme kuleja dikima pandi munkatshi muenu. Bualu tshiena ntshina bantu badi banjana, bamba ne: udi ukeba amu bia panu!

2 Korente 10:7

Nudi nutangila nangananga bidi bimueneka ku mesu. Nanku padi muntu wela meji ne: ndi wa Kristu, amanye ne: tuetu kabidi tudi ba Kristu, mudiye yeye amu.

2 Korente 11:21

Bu mumvua tshiyi ne bukole bua kunukengesha nanku, ndi ngumvua bundu be! Kadi pikala muntu ukimina kuditambisha, — ndi ngakula bu muntu mupale — ndi mua kuditambisha ne meme kabidi.

2 Korente 11:30

Bu meme ne bua kuditambisha, nenditambishe bua butekete buonsu bundi nabu.

2 Korente 12:5

Bua muntu awu, nenditembe. Kadi tshiena mua kuditemba bualu buanyi meme. Nenditembe amu bua malu adi aleja butekete bundi nabu.

2 Korente 3:12

Tudi tuakula ne dikima dionsu, bualu tudi batekemene bia nanku.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

2 Korente 7:4

Ndi nnuambila malu onsu patoke! Ndi nditemba bualu buenu! Mu makenga etu onsu ndi mukoleshe amu muoyi, mumvue kabidi amu disanka dipite.

Ngalate 4:13

Nudi bavuluke mumvua mupete mushindu wa kunulongesha Lumu lua Disanka musangu wa kumpala, bualu mvua nsama.

Ngalate 5:2

Telejayi tshindi meme Polu nnuambila. Nuenu banyishe bua banuteke panshi, Kristu kena mua kunuambuluisha kabidi to.

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Filipe 4:5

Lejayi bantu bonsu muoyi wa kalolu. Mfumu ukadi pa kufika.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

2 Tesalonike 3:17

Miaku indi nnuela nayi muoyi, ndi nyifunda ku tshianza tshianyi. — Ke mundi ntua tshiala ku mikanda yanyi yonsu. Nutangile bimpe mundi mfunda.

Filemone 1:19

Ndi mfunda ne tshianza tshianyi miaku eyi ne: Dibanza adi, meme Polu, nenkufutedi. (Bushuwa, tshiena musue kukuvuluija ne: udi kabidi ne dianyi dibanza, ke muoyi webe mene.)

Filemone 1:9

ndi musue amu kukusengelela, bua dinangangana dietu dimueneke patoke. Meme Polu nkadi mukulakaje. Ndi kabidi mu lukanu, bualu ndi muitabe Yezu Kristu.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.

Didimanyisha 1:9

Meme muanenu Yowanane, ndi mudisange ne Mfumu bu nuenu. Ke padibu bankengesha kabidi bu nuenu. Ke pandi nnanukila nenu ne lutuulu luonsu mu Bukalenga bua Mvidi Mukulu. Bavua bantume mu tshidila tshia Patmose, bualu mvua mulongeshe muaku wa Mvidi Mukulu, mujadike malu malelela avua Yezu mutumanyishe.