2 Korente 1:9 - MUKANDA WA MYIDI MUKULU

⁹ Tuvua bele meji ne: mbamane kutufundila tshibawu tshia lufu. Kadi bivua bienzeka nanku, bua tulonge mutudi katuyi mua kuditekemena, kadi tutekemene amu kudi Mvidi Mukulu udi ubisha bafue.

Mukanda wa Nzambi Dihungila Dikulukulu ne Dihungila Dihia-dihia 2003

⁹ kadi tuetu tuakadi ne dihila dia lufu hamʼbidi hetu bua tuetu katuditekemenyi, kadi bua tuetu tutekemene Nzambi udi ubisha bafue;

2 Korente 1:9 ပူးပေါင်းရင်းမြစ်များ

Yobe 40:14

Diba adi nenkuele ka lumbandi, bualu udi muditshimuine nkayebe!

Misambu 22:29

Bualu Maweja-Nangila udi mukalenga wa bantu, udi ku mutu kua bukua bisamba!

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Nsumuinu 28:26

Muntu udi uditekemena amu yeye nkayende, mmubule lungenyi. Kadi udi wenda ukeba meji neasombe ne ditalala.

Yeshaya 38:10

Mvua ngamba ne: ndi mfua, mulale panu amu tshia bibidi tshia matuku anyi. Ndi mbuela mu kandondu ka bafue, nkumbajamu matuku antshivua mua kulala panu.

Yezekiyele 33:13

Meme mulaye muntu wa nsongu ne: newikale ne muoyi, kadi muntu awu wela meji ne: ditaba divuaye nadi kale ndikumbane, utuadija kuenza malu mabi, kabena bavuluka kabidi malu ende mempe avuaye wenza kale to. Neafue bua bubi budiye wenza mpindiewu.

Luke 18:9

Bantu bavua badifunyisha ne: tudi bakane ku mesu a Mvidi Mukulu, bapepeja kabidi bantu bakuabu, Yezu kubelela lusumuinu ne:

Rome 8:36

Bu mudi Mukanda wa tshijila wamba ne: “Bu mutudi bebe, tudi mu njiwu ya lufu dituku dijima. Badi batutangila bu mikoku idibu mua kuya nayi bua bayishipe.”

2 Korente 1:10

Yeye ke uvua mutusungidile ku njiwu mikole ya lufu ayi. Neansungidile ku mikuabu kabidi. Eyowa, tudi bamutekemene ne: neansungidile ku mikuabu.

2 Korente 1:8

Bana hetu, tudi basue bua numanye ne: makenga makole avua matukuate mu buloba bua Aziya. Avua matunemene bujitu. Bujitu abu buvua butupite bukole. Katutshivua batekemene kabidi ne: netushale ne muoyi.

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

Ebrewu 11:19

Abrahame uvua wela meji ne: Mvidi Mukulu udi ne bukole bua kubisha Izake ku lufu. Ke muvua Abrahame mupete tshiakabidi Izake bu muntu mubike ku bafue.