2 Korente 1:19 - MUKANDA WA MYIDI MUKULU

¹⁹ Bualu Yezu Kristu Muana wa Mvidi Mukulu, utuvua tuetu bonsu, Silase, Timote ne meme kabidi, banumanyishe, kena muntu udi wamba “eyowa” ku mishiku, mundamunda wela meji mushindu mukuabu. Kadi Yeye udi amu “eyowa”.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bualu bua Muana wa Nzambi, Yesu Kilisto, wakanuambidibua munkatshi muenu kutudi, kudi meme ne Siluano ne Timote, kakadi ne E ne Nasha; kadi munda muandi mudi anu E.

2 Korente 1:19 ပူးပေါင်းရင်းမြစ်များ

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Ekesode 3:14

Mvidi Mukulu kumuambila ne: — “Meme ndi Mundi.” Ubambile ne: “Ndi Mundi mmuntume kunudi.”

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Matayi 27:40

bamba ne: — Wewe uvua musue kuupula nzubu wa Mvidi Mukulu, kuasulula mukuabu mu matuku asatu. Nanku dipandisha wewe muine. Pawikala Muana wa Mvidi Mukulu, tuluka ku mutshi mutshiamakane!

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Marke 1:1

Mukanda ewu udi mbangilu wa Lumu lua Disanka lua Yezu Kristu, Muana wa Mvidi Mukulu.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 19:7

Bena Yuda kumuandamuna ne: — Tudi ne mikenji, bilondeshile mikenji eyi, muntu ewu udi ne bua kufua. Bualu uvua muambe ne: ndi Muana wa Mvidi Mukulu.

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 6:69

Mpindiewu tudi tuitaba, tumanya ne: wewe ke wa Tshijila udi mufume kudi Mvidi Mukulu.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Bienzedi 15:22

Ke bapostolu, bakulu, pamue ne Tshisumbu tshijima tshia bena ditaba, kujadika bua kusungula bamue ba kudibu, bua babatume mu Antiyokiya, pamue ne Polu ne Barnabase. Kusungulabu bakulu babidi bavua ba lumu luimpe munkatshi mua bena ditaba: ke Yuda, udibu binyika kabidi Barsabase, ne Silase.

Bienzedi 16:1

Polu kufika mu Derbe, pashishe mu Listra. Muine amu muvua muena ditaba, dina diende Timote. Mamuende uvua muena Yuda mumane kubuela mu Tshisumbu tshia bena Kristu. Tatuende uvua muena Ngreke.

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

1 Tesalonike 1:1

Tuetu bonsu, Polu, Silase, ne Timote, tudi tunufundila mukanda ewu, nuenu bena ditaba ba mu Tesalonike, bantu ba Mvidi Mukulu Tatu, ne ba Mfumu Yezu Kristu. Dinanga ne bupole bishindame munda muenu.

2 Tesalonike 1:1

Tuetu bonsu, Polu, Silase, ne Timote, tudi mfundila Tshisumbu tshia bena ditaba ba mu Tesalonike mukanda ewu, badi bantu ba Mvidi Mukulu Tatu wetu, ne ba Mfumu wetu Yezu Kristu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Ebrewu 1:11

Bintu bionsu abi nebijimine, kadi wewe neushale. Diulu ne buloba nebisunsuke bu bilamba bia kale.

Ebrewu 13:8

Yezu Kristu udi momumue makelela, lelu ne tshiendelele.

1 Petro 5:12

Silase, undi ntangila bu muena ditaba netu wa muoyi umue, mmungambuluishe bua kufunda mukanda mukese ewu. Ndi musue kunukolesha ku muoyi, kunujadikila kabidi ne: nenumvue mu makenga dinanga didi Mvidi Mukulu ununanga nadi. Nushindame mu dinanga diende adi.

2 Petro 1:17

Diba divuaye mupete lumu ne butumbi kudi Mvidi Mukulu Tatu, tuvuapu. Diyi divua difuma ku butumbi bua kulu, diamba ne: “Ewu ke Muananyi undi munange. Udi unsankisha bikole.”

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

2 Yone 1:9

Muntu yonsu udi kayi witaba ne dinanukila bidi Kristu ulongesha, kadi uya kua tshianana, kena ne Mvidi Mukulu to. Muntu udi witaba amu bidi Kristu ulongesha, udi ne Tatu, kabidi ne Muana.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 2:18

— Fundila mutumibue wa mu Tshisumbu tshia bena ditaba ba mu Tiyatira ne: “Muana wa Mvidi Mukulu udi ne mesu akenka bu kapia katema, makasa abalakana bu tshiamu tshikunze tshivuabu bengulule, bafinunuje, udi wamba ne: