2 Korente 1:14 - MUKANDA WA MYIDI MUKULU

¹⁴ Ndi ntekemena ne: dinku dikuabu nenubijingulule bionsu, bua dinku dia Mfumu Yezu numone mua kuditemba bualu buen, mundi tuetu nditemba bualu buenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ bu munuakatumanya tshituha ne, Tuetu tudi butumbi buenu, bu munudi butumbi buetu, mu dituku dia Mukelenge wetu Yesu.

2 Korente 1:14 ပူးပေါင်းရင်းမြစ်များ

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

1 Korente 11:18

Bualu bua kumpala: bayua bangambila ne: panudi nusangila, nudi nuabulukangana mu bisumbu bidi bifuilakana. — Ndi ngitaba bualu ebu tshitupa.

1 Korente 15:31

Bana hetu bu mundi nnujadikila ne: ndi mua kuditemba bulelela bualu buenu, bualu nudi badisanga ne Mfumu wetu, ke mundi njadika kabidi ne ndi mu njiwu ya lufu matuku onsu.

2 Korente 2:5

Padi umue wa kunudi mubungamije mukuabu, kena mumbungamije meme to. Tuambe ne: mmunubungamije nuenu bonsu, — nansha bamue ba kunudi, bualu tshiena musue kukolesha malu.

2 Korente 5:12

Katuena basue kuditemba tshiakabidi kunudi. Kadi tudi tujinga kunupetesha tshikondu tshinudi mua kuditemba bualu buetu. Ke munudi mua kupuwisha badi baditemba bua bidi bimueneka, kabayi bamanye bidi mu muoyi wa muntu.

2 Korente 9:2

Bualu ndi mumanye munudi basue kuambuluisha. Ke mumvua muditambishe bualu buenu, ngambila bena Masedoniya ne: “Bana hetu ba mu Akaya bakadi babange kusangisha bintu kukadi tshidimu tshijima.” Nanku disuminyina dienu divua disonsola ba bungi ba kudibu.

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

Filipe 1:26

Nenku diba dingapingana kunudi, nenuikale ne disanka dipite bualu buanyi, bua bionsu bidi Yezu Kristu munuenzele kundi.

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

Filipe 2:16

diba dinudi nubalongesha muaku udi utupetesha muoyi. Nuenu benze nanku, nemmone mua kuditemba bualu buenu, dituku diafika Kristu. Bualu dituku adi nebimueneke ne: mudimu wanyi, ne lutatu luanyi, kabivua tshianana to.

Filipe 4:1

Bana hetu basuibue, ke munudi mua kuikala bantu bashindame, badi badisanga ne Mfumu. Ndi njinga bikole kumonangana nenu. Nudi nunsankisha. Ndi nditemba kabidi bualu buenu.

1 Tesalonike 3:13

Mvidi Mukulu akoleshe mioyi yenu. Nanku nenuikale bantu ba tshijila, bakane tshishiki, kumpala kua Mvidi Mukulu Tatu wetu, diba diafika Mfumu wetu Yezu Kristu ne bende bonsu.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.