2 Korente 1:12 - MUKANDA WA MYIDI MUKULU

¹² Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua ditumba dietu didi bualu ebu, tshimanyishilu tshia muoyo-mukese wetu ne, Tuetu tuakenda munkatshi mua ba ha buloba ne bienzedi bia tshijila ne bia hatoke bia Nzambi, kemu meshi a bantu kadi mu ngasa wa Nzambi, ne tuakatamba kuenda nunku munkatshi muenu.

2 Korente 1:12 ပူးပေါင်းရင်းမြစ်များ

2 Samuele 22:22

Ndi nkumbaja mikenji ya Maweja-Nangila. Tshiena ngenzela Mvidi Mukulu wanyi bibi to.

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Yeshaya 38:3

“Eyi! Maweja-Nangila, vulukaku bionsu bimvua ngenza. Mvua mukulamate ne muoyi mujima. Mvua amu ngenza malu mimpe avua mua kukusankisha!” Pashishe Izkiya kudilaye muadi.

Bienzedi 23:1

Ke Polu kutangila bena Tshipangu, wamba ne: — Bana betu, too ne lelu mvua mukumbaje bimpe bidi Mvidi Mukulu musue. Nanku kondu ka munda kakena kantuuta.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Rome 9:1

Ndi ngamba malu malelela. Ndi wa Kristu, nanku tshiena nshima to. Kondu kanyi ka munda kabidi kadi kanjadikila ku bukole bua Mueyelu wa Tshijila ne: bindi ngamba bidi bilelela ne:

1 Korente 1:17

Kristu kavua muntume bua kutua bantu mu mayi nansha. Uvua muntume bua kumanyisha bantu Lumu lua Disanka. Kadi tshiena ndumanyisha ne meji a bantu, bua lufu lufuila Kristu pa mutshi mutshiamakane kalujimiji bukole bualu.

1 Korente 12:8

Muntu kampanda udi upeta kudi Mueyelu dipa dia kuakula ne meji. Mukuabu udi upeta kudi Mueyelu wa momumue dipa dia kuakula bilondeshile dimanya diende.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

1 Korente 2:13

Nanku katuena tulongesha malu aa ne miaku idi ileja meji a bantu, kadi amu ne miaku idi Mueyelu wa Mvidi Mukulu utumanyisha. Ke mutudi tumvuija bantu bidi Mvidi Mukulu muenze, ne miaku idi Mueyelu ewu utumanyisha.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

1 Korente 5:8

Nanku tuenzayi tshibilu tshietu. Kadi katuena mua kutshienza, kudia mampa mela buanga bukulukulu, buanga bua bubi, ne bua malu a bundu. Tudie amu mampa kaayi mela buanga, mampa a bunonoke, ne a bulelela.

2 Korente 1:17

Pamvua mujadike nanku, mvua tshibubabuba anyi? Pandi ndongolola malu anyi, ndi nkeba amu kudisankisha anyi? Eku ngitaba ne: eyowa, mundamunda mbenga.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

2 Korente 8:8

Tshiena nnuelela mukenji. Kadi ndi nnusonsola, nnuleja muvua bakuabu bakuata mudimu ne disuminyina, bua nuleje kabidi patoke munudi nunanga bantu.

Ngalate 6:4

Muntu yonsu akonkonone nsombelu wende. Pikala nsombelu wende muimpe, asanke bua bivuaye muenze, kayi udifuanyikija ne bakuabu.

Efeze 6:14

Nanku, dilongololayi: suikayi bulelela bu mukaba mu tshimonu. Vualayi buakane bu kazaku ka mvita kela pambidi.

Filipe 1:10

bua numone mua kujingulula bidi biakane. Nanku dituku diafika Yezu Kristu, nenuikale kanuyi kalema, kabayi mua kunudiwula.

1 Tesalonike 2:10

Nuenu nudi mua kujadika bitudi tuamba. Mvidi Mukulu kabidi udi mua kubijadika: nsombelu wetu nenu, bena ditaba, uvua muakane, mululame, kayi kalema.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Ebrewu 13:18

Nutulombele kudi Mvidi Mukulu. Bualu tudi bajadike mudi kondu ketu ka munda kakayi katupisha, bualu tudi tujinga kuenza bimpe diba dionsu.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

Yoshua 24:14

Yoshuwa kuamba kabidi ne: — Mpindiewu nuenu bena Izrayele, numanye bumfumu bua Maweja-Nangila. Numuenzele mudimu ne muoyi mujima, numutumikile. Numushe mvidie ivua bankambua benu batendelela, patshivuabu dishiya dia musulu wa Perate, nansha patshi wabu mu Ejipitu. Nanku, enzelayi Maweja-Nangila mudimu.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,