2 Bakalenga 9:34 - MUKANDA WA MYIDI MUKULU

³⁴ Yehu kubuela mu nzubu wa bukalenga. Kumupeshabu biakudia, kudiaye, kunuaye. Pashishe kuambilaye bantu bavuaye nabu ne: — Jiikayi tshitalu tshia mukaji muena tshibawu ewu, bualu uvua anu muana wa mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Wakabuela mu nsubu, wakadia, wakanua. Yeye wakamba ne, Batangile mukashi eu wakedibua mulau, bamujike bualu bua yeye wakadi muana wa mukelenge.

2 Bakalenga 9:34 ပူးပေါင်းရင်းမြစ်များ

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Bakalenga 18:41

Ke muambi Eliya kuambila Akabe ne: — Uye, udie, unue, bualu ndi mumvue mvula ukungula.

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

2 Bakalenga 9:33

Yehu kubela diyi ne: — Sakilayi mukaji awu panshi! Kusakilabu Yezabele pa dididishi. Kudishindaye panshi. Mashi ende kutampakana ku bimana ne ku nyama ya tubalu. Yehu kudiatakaja tshitalu atshi ne ditempu.

2 Bakalenga 9:35

Kupatukabu bua kuya kujiika tshitalu tshia Yezabele. Kadi, kusanganabu anu kabalubalu ka mutu, bianza ne makasa.

Estere 3:15

Bantu bavua mukalenga mutume kuya lukasa. Pashishe kumanyishabu bantu bonsu bavua basomba pa mukuna wa Shushane bualu. Diba adi, mukalenga ne Amane kuya kunua maluvu, kadi bena mu tshimenga tshia Shushane bavua ne kanyinganyinga kakole.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Amosa 6:4

Nudi nulala pa malalu malengeja ne mibanga. Nudi nunangila nkuasa minene milenga, nudia munyinyi wa mukoku, nusanka bua munyinyi wa kana ka ngombe ka mafuta.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!