2 Bakalenga 9:27 - MUKANDA WA MYIDI MUKULU

²⁷ Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Hakatangila Ahazaya, mukelenge wa Yuda, bualu ebu, yeye wakanyema mu nshila wa ku nsubu wa mu budimi ebu. Yehu wakamulonda, wakamba ne, Mushihelai kabidi mu dikalu diandi. Bakamuasa mukete hakadiye ubanda mukuna wa Gû hehi ne Yibelama. Yeye wakanyema ku Megido, wakafuilaku.

2 Bakalenga 9:27 ပူးပေါင်းရင်းမြစ်များ

1 Bakalenga 21:2

Dituku dikuabu, mukalenga Akabe kuambila Nabote ne: — Umpe budimi buebe bua mvinyo ebu, bua meme kuenzamu budimi bua biseki. Bualu budimi ebu budi pabuipi ne nzubu wanyi wa bukalenga. Nenkupe budimi bukuabu bua mvinyo buimpe bupite buebe ebu. Anyi ndi mua kukusumba budimi ebu, pawikala musue.

1 Bakalenga 4:12

Baana, muana wa Akilude, uvua ulombola buloba bua bimenga bia Tanake ne Megido, ne buloba bujima bua Betesheyane (Buloba bua Betesheyane budi bufika ku Sartane, kuinshi kua Yizreyele. Buloba ebu mbualabale ku Betesheyane too ne ku Abele-Mekola, too ne dishiya dia Yokneyame).

2 Bakalenga 10:4

Bantu bonsu abu kukuatshika bowa bikole. Kukonkanganabu ne: “Tuetu tudi mua kuluangana ne Yehu mushindu kaayi? Bakalenga babidi kabena bakimina kuluangana nende to.”

2 Bakalenga 11:1

Ataliya, mamuende wa mukalenga Akaziya, kupeta lumu lua lufu lua muanende. Nanku, kuelaye meji a kushipa ndelanganyi yonsu ya mu diku dia bukalenga.

2 Bakalenga 12:1

Yehu mumane kulala mu bukalenga bua bena Izrayele bidimu muanda mutekete. Yowashe mutshikale ne bidimu muanda mutekete, kudiaye bukalenga bua Yuda. Kushalaye mu bukalenga mu Yerushalayime bidimu makumi anayi. Mamuende wa Yowashe uvua wa mu tshimenga tshia Bersheba, dina diende Sibiya.

2 Bakalenga 12:21

Balombodi ba bena mvita ba Yowashe, kumuelela tshifufu. Balombodi babidi ba munkatshi muabu: Yozabade, muana wa Shimeyi, ne Yehozabade, muana wa Shomere, kushipabu Yowashe ku Bete-Milo. Kumujiikabu mu lukita lua bena diku diabu, luvua mu Tshimenga tshia Davide. Muanende wa balume Amashiya kumupingana mu bukalenga.

2 Bakalenga 14:19

Bantu ba mu Yerushalayime, kuelela Amashiya tshifufu tshibi. Nanku, Amashiya kunyema, kuya mu musoku wa Lakishe. Kadi, kumulondabu mu musoku awu, kumushipelamu.

2 Bakalenga 21:23

Balombodi ba bena mvita ba mukalenga Amone, kumuelela tshifufu tshibi, kumushipela mu nzubu wende wa bukalenga.

2 Bakalenga 8:29

Mukalenga Akaziya kuya mu tshimenga atshi tshia Yizreyele bua kusamba Yorame, bualu uvua usama bikole.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Dibadika 16:26

Kuambilaye bantu bonsu ne: — Umukayi ku ntenta ya bena buenzavi aba. Kanulengi tshintu tshiabu nansha tshimue to. Tshianana nudi mua kufua kabidi bua mibi yabu yonsu.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Yoshua 17:11

Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

Balombodi 1:27

Bena Menashe kupangila mua kuipata bena bimenga ebi: Bete-Sheyane, Tanake, Dore, Ibleyame, Megido, nansha bantu bonsu bavua basomba mu misoku ivua mutumba ne bimenga abi. Nanku bena Kenaane batshivua anu basomba mu buloba ebu.

Balombodi 5:19

Bakalenga baluishi, bakalenga ba bena Kenaane, kutuadija kuluisha Tanake, pabuipi ne mpokolu ya mu Megido. Kadi, kabena bapeta tshintu, nansha nkanu mitoke ya mushinga mukole.