2 Bakalenga 9:21 - MUKANDA WA MYIDI MUKULU

²¹ Mukalenga Yorame kutuma diyi bua basuike nyama ya tubalu ku ditempu diende. Pashishe kubandaye mu ditempu. Akaziya, mukalenga wa bena Yuda, kubandaye kabidi mu diende ditempu. Kuyabu kusambakena ne Yehu. Kumusanganabu pabuipi ne budimi buvua bua Nabote, muena Yizreyele.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yolama wakamba ne, Balongolole dikalu. Bakalongolola dikalu diandi. Yolama, mukelenge wa Isalele, ne Ahazaya, mukelenge wa Yuda, bakaluhuka, muntu mu dikalu diandi muntu mu dikalu diandi, bua kusangakenabo ne Yehu. Bakamusangana mu budimi bua Nabota, Muena Yizelele.

2 Bakalenga 9:21 ပူးပေါင်းရင်းမြစ်များ

1 Bakalenga 20:14

Mukalenga Akabe kukonka ne: — Wafikisha bena mvita aba mu bianza bianyi nnganyi? Muambi kumuambila ne: — Maweja-Nangila udi wamba ne: “Bansongalume badibu bangata ku mudimu wa bena mvita kudi balombodi ba maloba a mu ditunga, nebatshimune bena mvita aba.” Akabe kukonka kabidi ne: — Udi mua kutuadija mvita nnganyi? Muambi kuandamuna ne: — Wewe ke udi utuadija mvita.

2 Kulondolola 22:7

Nenku, dikumbula dia Yorame edi, ke divua Maweja-Nangila mupetele mushindu wa kushipa Akaziya. Bualu amu Akaziya ufika, kuyaye ne Yorame bua kumonangana ne Yeku, muana wa Nimshi. Nanku, Maweja-Nangila uvua muanyishe bua bajidile Yeku mu bukalenga, bua amone mua kushipa bena diku dia Akabe.

Mika 1:13

Nuenu badi basomba mu Lakishe, suikayi tubalu tuenu ku matempu, nunyeme. Nudi bidikije malu mabi, avua Izrayele muenze. Ke munuvua batombuesha Yerushalayime.

Dibadika 20:14

Patshivua Moshe mu Kadeshe, kutuminaye mukalenga wa bena Edome bantu, bamuambila ne: — Tuetu bana benu bena Izrayele, tudi bakenge bikole. Wewe mene udi mumanye!