2 Bakalenga 9:20 - MUKANDA WA MYIDI MUKULU

²⁰ Mutentekedi kuambila mukalenga Yorame ne: — Muntu muibidi uudi mutume, mmumane kufika kudi bantu abu. Kadi kena upingana kuneku to. Kadi ndi mumone ne: udi uvua awu ke Yehu muikulu wa Nimshi. Ndi mumumanye bualu udi wendesha ditempu bu muntu mupale.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mutentekedi wakamba ne, Yeye wakafika kudibo, kadi kena uhingana; tshiendeshilu tshia dikalu tshidi tshifuanangana ne tshiendeshilu tshia Yehu, muana wa Nimishi, bualu bua yeye udi wendesha dikalu lukasa lukasa.

2 Bakalenga 9:20 ပူးပေါင်းရင်းမြစ်များ

2 Samuele 18:27

Mutentekedi kuamba kabidi ne: — Muntu udi kumpala, mushindu udiye unyema, udi bu Akimase, muana wa Sadoke. Mukalenga kuandamuna ne: — Mmuana wa mushinga mukole. Bulelela, udi ne bualu bua disanka.

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

2 Bakalenga 10:16

Yehu kuambila Yonadabe ne: — Tuye nebe, umone mundi ngenzela Maweja-Nangila mudimu ne muoyi mujima. Nanku, Yehu kuya ne Yonadabe mu ditempu diende.

2 Bakalenga 9:19

Mukalenga Yorame kutuma muntu muibidi, mubandi wa pa nyama wa kabalu. Muntu awu ufika kudibu, kubambilaye ne: — Mukalenga Yorame udi ukonka ne: Nudi bavuile tshinyi? Yehu kumukonka ne: — Udi musue kubuelakana mu bualu ebu bua tshinyi? Buela mu tshisumbu tshietu.

2 Bakalenga 9:2

Pawafika, umonangane ne muikulu wa Nimshi, dina diende Yehu, muana wa Yosafate. Umubikile, umuke nende munkatshi mua bana babu, uye nende mu tshibambalu tshikuabu.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yeshaya 54:16

Vuluka ne: ndi mufuke nsenda wa biamu, utu usonsola kapia, wenza bia mvita mishindu mishilangane. Udi mufuke muntu udi ushipa nabi bantu, mmeme kabidi!

Danyele 11:44

Kadi ngumu ya ku luseke ludi diba dipatukila, ne ya ku mutu kua ditunga neyimukuatshishe bowa. Neapete tshiji tshikole bua kubutula tshisumbu tshinene tshia bantu.

Abakuke 1:6

Ndi mbikila bena Babilone, tshisamba tshia bantu ba lonji, kabayi luse. Badi bendakana pa buloba bujima, bakeba kudia bumfumu mu matunga a bende.

Abakuke 3:12

Udi wendakana pa buloba, musunsuke ne tshiji, udiatakaja bisamba bia bantu ne kanyinganyinga.