2 Bakalenga 9:2 - MUKANDA WA MYIDI MUKULU

² Pawafika, umonangane ne muikulu wa Nimshi, dina diende Yehu, muana wa Yosafate. Umubikile, umuke nende munkatshi mua bana babu, uye nende mu tshibambalu tshikuabu.

Mukanda wa Nzambi Dihungila Dikulukulu ne Dihungila Dihia-dihia 2003

² Hawafikaku, ukebe Yehu, muana wa Yehoshafata, muana wa Nimishi; ubuele mu nsubu, umujule munkatshi mua bana babo, uye nʼandi mu nsubu wa munda.

2 Bakalenga 9:2 ပူးပေါင်းရင်းမြစ်များ

1 Bakalenga 20:30

Bantu bavua bashale binunu makumi abidi ne muanda mutekete, kunyema, kuya mu tshimenga tshia Afeke. Kadi, bimana bia tshimenga atshi kubupukila. Benadade kabidi uvua mua kunyema mu tshimenga atshi, musokome mu tshibambalu tshikuabu tshia munda mua nzubu menemene.

1 Bakalenga 22:25

Muambi Mika kuandamuna ne: — Eyowa! Wewe neujadike bionsu ebi, dituku diwikala musokome mu tshibambalu tshia munda mua nzubu webe.

2 Bakalenga 9:11

Ke Yehu kupatuka, kupingana muaba uvua balombodi bakuabu ba mukalenga. Balombodi abu kumukonka ne: — Malu kaayi? Muntu mutomboke ewu uvua mulue kukuambila tshinyi? Yehu kuandamuna ne: — To, ki mmuambe bualu to! Nudi bamanye malu adibu bamba kudi bambi ba mushindu ewu.

2 Bakalenga 9:14

Tshikondu atshi, bena mvita bonsu ba bena Izrayele bavua balame tshimenga tshia Ramote tshivua mu ditunga dia Ngilaade, bua Azayele, mukalenga wa bena Siriya, kabuedimu to. Kadi, pavua mukalenga Yorame uluisha Azayele, bena Siriya kumutapa mputa. Nanku, mukalenga Yorame kuya kudiondapisha mputa ayi, mu tshimenga tshia Yizreyele. Kushalaye mu bulalu muaba awu. Kadi muikulu wa Nimshi, dina diende Yehu, muana wa Yosafate, kuelela Yorame tshifufu. Yehu kuambila bena mvita bakuabu ne: — Panuikala ku luseke luanyi, nudimuke. Muntu kena mua kumuka mu tshimenga bua kuya kuambila bena mu Yizreyele bidi bienzeka muaba ewu to.

2 Bakalenga 9:20

Mutentekedi kuambila mukalenga Yorame ne: — Muntu muibidi uudi mutume, mmumane kufika kudi bantu abu. Kadi kena upingana kuneku to. Kadi ndi mumone ne: udi uvua awu ke Yehu muikulu wa Nimshi. Ndi mumumanye bualu udi wendesha ditempu bu muntu mupale.

2 Bakalenga 9:5

Yeye mumane kufika, kusangana bamfumu ba bena mvita ba bena Izrayele mu tshisangilu. Muambi nsongalume kuamba ne: — Mfumu ndi ne bualu bua kukuambila! Yehu kumukonka ne: — Kutudi eku udi musue kuyukila ne nganyi? Muambi nsongalume kuandamuna ne: — Mfumu, anu wewe.