2 Bakalenga 9:11 - MUKANDA WA MYIDI MUKULU

¹¹ Ke Yehu kupatuka, kupingana muaba uvua balombodi bakuabu ba mukalenga. Balombodi abu kumukonka ne: — Malu kaayi? Muntu mutomboke ewu uvua mulue kukuambila tshinyi? Yehu kuandamuna ne: — To, ki mmuambe bualu to! Nudi bamanye malu adibu bamba kudi bambi ba mushindu ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe Yehu wakahingana kudi bantu ba mukelenge wandi; umue wabo wakamuebesha ne, Malu kai? Muntu au muhote wakakufila bua tshinyi? Yeye wakabambila ne, Nuenu nudi bamanye muntu au ne mei akadiye wamba.

2 Bakalenga 9:11 ပူးပေါင်းရင်းမြစ်များ

2 Bakalenga 4:26

Nyema lukasa, umukonke ne: “Wewe, bayebe ne bana, nudi bimpe anyi?” Mukaji kuandamuna Ngeyazi, muena mudimu wa muambi, ne: — Tudi bimpe!

2 Bakalenga 5:21

Ke Ngeyazi kulonda Namane. Namane umona Ngeyazi umulonda lubilu, kutulukaye mu ditempu, kuya lukasa bua kusambakena ne Ngeyazi, umukonka ne: — Mmalu kaayi?

2 Bakalenga 9:12

Balombodi kuandamuna Yehu ne: — Udi ushima. Mbimpe utuambile bionsu bidiye mukuambila. Nanku Yehu kubambila ne: — Bulelela, muambi ewu mmungambile malu, kadi nangananga mmungambile ne: Maweja-Nangila udi wamba ne: “Ndi nkujidila bua wikale mukalenga wa bena Izrayele.”

2 Bakalenga 9:17

Mutentekedi uvua muimane pa tshibumba tshia mu tshimenga tshia Yizreyele, kumonaye tshisumbu tshia bena mvita bavua ne Yehu. Kuambilaye mukalenga Yorame ne: — Ndi mumone tshisumbu tshia bena mvita bafika. Mukalenga Yorame kumuambila ne: — Utume muntu mubande pa nyama wa kabalu, aye kusambakena nabu bua kubakonka ne: Nudi bavuile tshinyi?

2 Bakalenga 9:19

Mukalenga Yorame kutuma muntu muibidi, mubandi wa pa nyama wa kabalu. Muntu awu ufika kudibu, kubambilaye ne: — Mukalenga Yorame udi ukonka ne: Nudi bavuile tshinyi? Yehu kumukonka ne: — Udi musue kubuelakana mu bualu ebu bua tshinyi? Buela mu tshisumbu tshietu.

2 Bakalenga 9:2

Pawafika, umonangane ne muikulu wa Nimshi, dina diende Yehu, muana wa Yosafate. Umubikile, umuke nende munkatshi mua bana babu, uye nende mu tshibambalu tshikuabu.

2 Bakalenga 9:22

Anu Yorame usambakena ne Yehu, kumukonkaye ne: — Yehu, malu kaayi? Yehu kuandamuna ne: — Udi unkonka nanku bua tshinyi? Udi mumanye bimpe ne: mamuebe Yezabele utshidi utendelela mvidie ya dishima, kabidi utshidi wenza majimbu…

Yeshaya 59:15

Eyowa, bulelela kabuena bumueneka kabidi to. Muntu udi musue kushala wa muoyi mulenga, badi bamuiba bionsu bidiye nabi. Maweja-Nangila mmumone bionsu bidi bienzeka. Kena wanyisha bua bantu badiatakaje buakane.

Yirmeya 29:26

“Bu mudi Maweja-Nangila mukuteke bua kupingana Yoyada, utangile ne disu dikole bantu badi babuele mu nzubu wa Mvidi Mukulu! Nanku bantu batshimbakane badi badiamba ne: tudi bambi, ubele mu tshikunyi, ne nkanu mu nshingu.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Marke 3:21

Baledi bende bumvue nanku, kuyabu bua kumuangata, bualu bavua bamba ne: “Yezu mmumane kujimija lungenyi!”

Yowanane 10:20

Ba bungi ba munkatshi muabu bavua bamba ne: — Udi ne mukishi mubi munda! Mmupale! Nudi numuteleja bua tshinyi?

Bienzedi 17:18

Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne: — Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika, bavua bamba ne: — Bidi bimueneka ne: udi ulongesha malu a mvidie ya bantu ba bisamba bikuabu.

Bienzedi 26:24

Patshivua Polu ndilumbuluila nanku, Festuse kumuela diyi dikole ne: — Polu, udi mupale anyi? Malu mapite bungi audi mulonge mmanyange lungenyi luebe!

1 Korente 4:10

Tudi bantu bapale bualu bua Kristu, kadi nuenu nudi ne meji badisange ne Kristu. Tuetu katuena ne bukole, kadi nuenu nudi nabu. Badi batupenda, kadi nuenu badi banunemeka!

2 Korente 5:13

Pikalabu batuambule mulu, tshilumbu atshi tshidi tshitutangila amu tuetu ne Mvidi Mukulu. Kadi bualu buenu tudi ne bua kukuata mudimu ne lungenyi.