2 Bakalenga 9:1 - MUKANDA WA MYIDI MUKULU

¹ Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

Mukanda wa Nzambi Dihungila Dikulukulu ne Dihungila Dihia-dihia 2003

¹ Elisha wakabikila umue wa bana ba baprofete, wakamuambila ne, Suika mukaba webe, wangate kalondo aka ka manyi mu tshianza tshiebe, ya biebe ku Lamota-gilada.

2 Bakalenga 9:1 ပူးပေါင်းရင်းမြစ်များ

1 Bakalenga 1:39

Mutuangaji Sadoke uvua muangate lusengu, luvua mu ntenta wa Maweja-Nangila, luikala ne mafuta a tshijila tente. Kuelaye mafuta awu pa mutu pa Shelomu, bua kumujidila mu bukalenga. Pashishe, kuelabu mpungi. Bantu bonsu bavua muaba awu kuela mbila ne: “Mukalenga Shelomu akuate ku mundundu!”

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

1 Bakalenga 19:16

Pashishe, uye ujidile Yehu, muana wa Nimshi, bua ikale mukalenga wa bena Izrayele. Ujidile kabidi Elisha, muana wa Shafate, wa mu musoku wa Abele-Mekola bua akupingane mu mudimu wa buambi.

1 Bakalenga 20:35

Tshikondu atshi, Maweja-Nangila kutumina muntu wa mu tshisumbu tshia bambi diyi, bua kuambilaye muntu mukuabu wa mu tshisumbu atshi ne: “Ntuuta!” Kadi muntu awu kubenga kumutuuta.

1 Bakalenga 22:20

Nanku, Maweja-Nangila kukonka ne: “Udi mua kuya kushima Akabe bua kuyaye kuluisha tshimenga tshia Ramote tshidi mu ditunga dia Ngilaade, kumushipelabu mu tshimenga atshi nnganyi?” Kufilabu meji mushilangane.

1 Bakalenga 22:4

Nanku, Akabe kukonka mukalenga Yosafate ne: — Udi mua kuya kumfila mu mvita bua tuetu kukuata tshimenga tshia Ramote, tshidi mu ditunga dia Ngilaade anyi? Mukalenga Yosafate kuandamuna ne: — Wewe ne meme tudi bantu bamue. Bantu bebe, mbanyi meme. Bantu banyi, mbebe wewe. Nyama yanyi ya tubalu nyebe wewe.

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

2 Bakalenga 2:3

Bantu ba mu tshisumbu tshia bambi bavua basombe ku Betele, bavua bebeja Elisha ne: — Udi mumanye ne: lelu Maweja-Nangila neambule mfumuebe Eliya mulu anyi? Elisha kuandamuna ne: — Eyowa, ndi mumanye bualu ebu, kadi puwayi!

2 Bakalenga 2:5

Bantu ba mu tshisumbu tshia bambi bavua basombe ku Yeriko, kusemena kudi Elisha bamukonka ne: — Udi mumanye ne: Maweja-Nangila neambule mfumuebe Eliya mulu anyi? Elisha kuandamuna ne: — Eyowa, ndi mumanye bualu ebu, kadi puwayi!

2 Bakalenga 2:7

Bambi bu makumi atanu bavua anu benda babalonda. Kadi bambi abu bavua bimanyine pa bule. Kabavua bafike muaba uvua Eliya ne Elisha bimane ku muelelu wa Yardene to.

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

2 Bakalenga 4:29

Elisha kukonka Ngeyazi ne: — Udi mumane kudilongolola bua kuya anyi? Angata dikombu dianyi dia buambi, uye ku Shuneme. Wewe musangile ne muntu mu njila, kuimanyi bua kumuela muoyi to. Padi muntu musue kukuela muoyi, kujimiji diba bua kuyukila nende to. Pawafika, uteke dikombu dianyi pa mpala pa muana.

2 Bakalenga 9:4

Nanku, muambi nsongalume awu kuya mu tshimenga tshia Ramote mu ditunga dia Ngilaade.

2 Kulondolola 22:1

Bena mu tshimenga tshia Yerushalayime, kusungula Akaziya muana mukala wa Yorame, bua ikale mukalenga pa muaba wa tatuende. Bualu bana ba balume bakuabu bonsu ba Yorame, bakavua bamane kubashipa kudi tshisumbu tshia bena Arabe, bavua babuele mu mitanda ya bena mvita ba bena Yuda. Ke muvua Akaziya, muana wa Yorame, mushale mukalenga wa bena Yuda nanku,

2 Kulondolola 22:5

Bualu ndelanganyi eyiivua miambile Akaziya, bua kuyabu ne Yorame, muana wa Akabe, mukalenga wa bena Izrayele, bua kuluisha Azayele, mukalenga wa bena Arame, ku Ramote mu ditunga dia Ngilaade. Munkatshi mua mvita, bena Arame kutapa Yorame mputa.

Yirmeya 1:17

Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Matayi 26:7

Mukaji kampande kufika kudiye ne mulangi wa albatre, muwule ne manananshi a mushinga mukole. Kuelaye Yezu manananshi aa mu mutu pavuaye ku mesa.

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:3

Nuvua badimuene nkayenu, muvua Maweja-Nangila Mvidi Mukulu wenu, mubutule bantu, bavua batendelela mvidie Baale-Peyore.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.