2 Bakalenga 8:9 - MUKANDA WA MYIDI MUKULU

⁹ Azayele kuya kumonangana ne muambi Elisha. Uvua mutuadile muambi bintu bimpe bia disanka bia mu Damase, biambula kudi nyama ya tumelu makumi anayi. Azayele ufika kudi muambi Elisha, kumuambila ne: — Muena mudimu webe Benadade, mukalenga wa bena Siriya ke udi muntume ewu. Uvua mungambile bua kukukonka bua disama diende ne didi mua kujika?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nunku Hazaele wakaya kusangakena nʼandi, wakaya ne kuha kua bintu biakane bionso bia mu Damaseke bikumbane bujitu buakadi tumelo makumi anai mua kutuala, wakimana ku mesu kuandi, wakamba ne, Muanʼebe Benehadada, mukelenge wa Sulia, wakuntuma kûdi bua kukuebesha ne, Meme nensangale ku disama edi, anyi?

2 Bakalenga 8:9 ပူးပေါင်းရင်းမြစ်များ

1 Bakalenga 14:3

Umutuadile mampa dikumi, mikata, ne buitshi mu mulondu. Uye nabi kudiye. Yeye neakuambile patoke tshienzekela muanetu wa balume udi usama ewu.

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

1 Bakalenga 19:15

Kadi Maweja-Nangila kumuambila ne: — Pingana anu mu njila ewu, upitshile mu tshipela, uye ku Damase. Paudi ufika ku Damase, ujidile Azayele mu dina dianyi, bua ikale mukalenga wa bena Siriya.

2 Bakalenga 1:2

Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

2 Bakalenga 13:14

Disama dia lufu kukuata muambi Elisha. Nanku, Yowashe, mukalenga wa bena Izrayele, kuya kudi muambi Elisha, kumupukila, udila, wamba ne: — Tatu wanyi! Tatu wanyi! Wewe udi mupite matempu a mvita ne babandi ba pa nyama ya tubalu bonsu ba bena Izrayele!

2 Bakalenga 16:7

Akaze kutuma bantu bua kuambila mukalenga wa bena Ashure, Tiglate-Pilesere ne: “Meme ndi bu mupika webe, nansha bu muanebe wa balume. Luaku, unsungidile mu bianza bia bakalenga ba bena Arame ne ba bena Izrayele badi banduisha aba.”

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

2 Bakalenga 5:5

Mukalenga wa bena Siriya kuandamuna ne: — Eyowa, mbimpe! Ndi nkupa mukanda, uye kumonangana ne mukalenga wa bena Izrayele, umupe mukanda awu. Nanku Namane kuya kudi mukalenga wa bena Izrayele ne bintu ebi: tshiamu tshitoke tshia mushinga mukole kilo bu nkama isatu, tshiamu tshia mpawungi kilo makumi asambombu, ne bilamba dikumi bia kuvuala dituku dia tshibilu.

2 Bakalenga 6:21

Anu mukalenga wa bena Izrayele umona bena mvita abu bonsu, kukonkaye muambi Elisha ne: — Tatu wanyi, mbimpe kubashipa anyi?

Muambi 3:6

Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Filemone 1:14

Kadi tshivua musue kuenza nanku, tshiyi mukuebeje to. Tshiena musue kukuenzela bualu buimpe ku bukole. Ndi njinga ubuenze ku budisuile buebe.

1 Samuele 25:8

Udi mua kubakonka, Nebakujadikile. Davide udi nkusengelela bua utuakidile bimpe matuku a tshibilu aa, bualu tudi benyi bebe. Nanku, tuetu ne muena mudimu webe Davide, ubipeshe tshintu tshionsu tshiudi natshi.”

1 Samuele 9:7

Shawule kukonka muena mudimu ne: — Patuafika kudi muambi awu, netumupeshe tshinyi? Katuena kabidi ne mampa mu mifuku yetu to. Katuena nansha ne tshintu tshia disanka tshia kumulambula. Tudi tshianana.