2 Bakalenga 8:7 - MUKANDA WA MYIDI MUKULU

⁷ Tshikondu tshikuabu, muambi Elisha kuya mu tshimenga tshia Damase. Benadade, mukalenga wa bena Siriya, uvua usama. Benadade umvua ne: muambi Elisha mmufike mu tshimenga,

Mukanda wa Nzambi Dihungila Dikulukulu ne Dihungila Dihia-dihia 2003

⁷ Elisha wakaya ku Damaseke. Bene-hadada, mukelenge wa Bena Sulia, wakadi usama; bakamuambila ne, Muntu wa Nzambi wakulua.

2 Bakalenga 8:7 ပူးပေါင်းရင်းမြစ်များ

Genese 14:15

Bafika ku Dane, Abrame kuabanya bantu bende mu bisumbu. Kuluanganabu ne baluishi babu butuku, kubapita bukole. Kubipatabu too ne ku Oba, luseke lua ku mutu kua Damase.

1 Bakalenga 11:24

Tshikondu tshivua Davide mushipe bena mvita ba Adadezere. Rezone uvua musangishe bena mvita, ubalombola. Kuyaye nabu, kusomba ku Damase, kuangataye bukalenga muaba awu.

1 Bakalenga 13:1

Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

1 Bakalenga 20:34

Benadade kuambila Akabe ne: — Nenkupingajile bimenga bivua tatu wanyi munyenge tatuebe. Nanku bintu bia mu ditunga diebe, neuye kubisumbisha mu tshimenga tshia Damase, bu muvua tatu wanyi uya kusumbisha bintu bia mu ditunga dietu mu Samariya. Akabe kumuambila ne: — Meme ndi musue kutua nebe ndondu. Pashishe, nenkulekele bua wewe kuya muebe muudi musue. Akabe mumane kutua ndondu ne Benadade, kumulekelaye.

2 Bakalenga 1:2

Dituku dikuabu, mukalenga Akaziya uvua mu tshibambalu tshia nzubu wende wa bukalenga wa tshilalakulu, uvua mu tshimenga tshia Samariya, kukulukaye pa dididishi, kudishinda, kutapikaye bikole. Bualu bua njiwu ayi, mukalenga Akaziya kutuma bantu mu tshimenga tshia Ekrone, bua kukonkamu mvidie Baale Zebube ne: nengumvue bimpe anyi?

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

2 Bakalenga 6:24

Mu tshikondu tshikuabu, Benadade, mukalenga wa bena Siriya, kusangisha bena mvita bende bonsu bua kuya kuluisha tshimenga tshia Samariya.

2 Bakalenga 8:6

Mukalenga wa bena Izrayele kukonka mukaji. Mukaji kumulondela bualu bujima. Diakamue, mukalenga wa bena Izrayele kuambila muntu mukuabu wa ku bantu bende, uvuaye wenda nende miaba yonsu, bua atangile tshilumbu tshia mukaji awu. Mukalenga kuamba ne: — Ndi musue bua bamupingajile bintu biende bionsu. Kabidi bamufute bua bintu bionsu bivuabu banowa mu budimi buende, katshia umuka mu ditunga dietu too ne mpindiewu.

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yirmeya 40:5

Kadi muambi Yirmeya kavua muye to. Ke Nebuzaradane kuamba kabidi ne: — Udi mua kupingana kudi Ngedaliya, muana wa Akikame, muikulu wa Shafane. Mukalenga wa mu Babilone mmumuteke bua kuludika bimenga bia bena Yuda. Uye kusomba kudiye munkatshi mua bantu. Nansha uye miaba mikuabu kuonsu kuudi mumone ne nkuimpe. Mfumu wa bena mvita balami, kupesha Yirmeya biakudia bua luendu luende, kumusankishaye kabidi ne bintu bikuabu. Bobu kulayangana bimpe.

Bienzedi 17:6

Bu muvuabu kabayi babasangane, kukuatabu Yazone ne bena ditaba bakuabu, kuyabu babapulumuna kumpala kua bamfumu ba tshimenga, bela mbila ne: — Bantu aba mbatombole bantu miaba yonsu. Mpindiewu bakadi muetu munu!

Dielulula 33:1

Moshe, muntu wa Mvidi Mukulu kayi muanji kufua, kuelaye bisamba dikumi ne bibidi bia Izrayele lupemba, wamba ne:

Balombodi 16:2

Bena tshimenga atshi kumanya muvua Shimeshone mu nzubu mua mukaji awu. Nanku kunyungululabu nzubu. Kumualaminabu butuku bujima ku tshiibi tshia tshimenga. Kadi kabena bamuenzele bualu butuku abu to. Bivua bela meji ne: netumushipe amu dinda.