2 Bakalenga 8:6 - MUKANDA WA MYIDI MUKULU

⁶ Mukalenga wa bena Izrayele kukonka mukaji. Mukaji kumulondela bualu bujima. Diakamue, mukalenga wa bena Izrayele kuambila muntu mukuabu wa ku bantu bende, uvuaye wenda nende miaba yonsu, bua atangile tshilumbu tshia mukaji awu. Mukalenga kuamba ne: — Ndi musue bua bamupingajile bintu biende bionsu. Kabidi bamufute bua bintu bionsu bivuabu banowa mu budimi buende, katshia umuka mu ditunga dietu too ne mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakebesha mukelenge mukashi bualu ebu, yeye wakamuambilabu. Mukelenge wakambila umue wa ba tuhita tuandi ne, Umuhingishile bintu bionso biakadiye nʼabi diambedi ne bintu bionso biakadiunda mu madimi andi katshia umukamu tô ne katataka.

2 Bakalenga 8:6 ပူးပေါင်းရင်းမြစ်များ

Genese 37:36

Bena Madiyane kusumbisha Yozefe mu Ejipitu kudi Potifare, muntu uvuabu batekemena bikole kudi Mukalenga wa bena Ejipitu. Uvua kabidi mulombodi wa bena mvita bende.

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

2 Bakalenga 8:5

Ngeyazi uvua umulondela muvua muambi Elisha mubishe muana ku lulu. Amu diba adi, mamuende wa muana awu kufika bua kulomba lupangu luende ne nzubu wende kudi mukalenga wa bena Izrayele. Nanku Ngeyazi kukema, wamba ne: — Mukalenga, mona, ke mukaji ewu muena muana uvua muambi Elisha mubishe ku lufu.

2 Bakalenga 8:7

Tshikondu tshikuabu, muambi Elisha kuya mu tshimenga tshia Damase. Benadade, mukalenga wa bena Siriya, uvua usama. Benadade umvua ne: muambi Elisha mmufike mu tshimenga,

2 Bakalenga 9:32

Yehu ubanduluka, utangila ku dididishi, kuelaye diyi ne: — Kunudi aku, udi musue kutua ku tshianyi nnganyi? Bantu babidi anyi basatu ba mu nzubu wa bukalenga kuinangila pa dididishi.

1 Kulondolola 28:1

Mukalenga Davide kukungija bamfumu bonsu ba bena Izrayele mu Yerushalayime: bamfumu ba bisamba, balombodi ba midimu misanga ya mu bukalenga, balombodi ba bisumbu binene ne bikese bia bena mvita, balombodi ba balami ba madimi, mpangu ne nzubu, ne bisumbu bia nyama ya mukalenga ne ya bana bende, bantu banene ba mu lubanza lua bukalenga, bena mvita ba bukitu, ne bantu bakuabu bonsu ba mushinga.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Dielulula 22:2

Pikala muena tshimuna atshi kule, nansha panuikala kanuyi bamumanye, nulame amu tshimuna atshi ku nzubu kuenu, too ne pafika muenatshi bua kutshiangata. Diba adi, numupeshetshi.

Balombodi 11:13

Mukalenga wa bena Amone kuandamuna Yefete ne: — Nudi bamanye tshitudi tufuila nebe. Bualu pavua bena Izrayele bapatuka mu Ejipitu, bavua bakuata ditunga dianyi, biangatshile ku tshibandabanda tshia musulu wa Amone, too ne ku musulu wa Yaboke, ne ku tshibandabanda tshia musulu wa Yardene. Utupingajile maloba aa mpindiewu ne disanka.