2 Bakalenga 8:5 - MUKANDA WA MYIDI MUKULU

⁵ Ngeyazi uvua umulondela muvua muambi Elisha mubishe muana ku lulu. Amu diba adi, mamuende wa muana awu kufika bua kulomba lupangu luende ne nzubu wende kudi mukalenga wa bena Izrayele. Nanku Ngeyazi kukema, wamba ne: — Mukalenga, mona, ke mukaji ewu muena muana uvua muambi Elisha mubishe ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakadiye umuambila muakabisha Elisha muana ku lufu, mukashi muena muana wakabisheye ku lufu wakadila kudi mukelenge bua nsubu wandi ne bua buloba buandi. Gehazi wakamba ne. Mukelenge wanyi, eu udi mukashi ne eu udi muana wandi wakabisha Elisha ku lufu.

2 Bakalenga 8:5 ပူးပေါင်းရင်းမြစ်များ

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

2 Bakalenga 4:12

Ke muambi Elisha kutuma muena mudimu wende Ngeyazi bua kubikila muena nzubu awu. Mukaji awu kufika ku tshibambalu aku,

2 Bakalenga 4:35

Elisha kujuka, kuenda mu nzubu awu, utua eku ne eku. Pashishe kulalaye kabidi pambidi pa muana. Muana kuela nyashi misangu muanda mutekete, kutabalaye.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

2 Bakalenga 6:26

Dituku dikuabu, mukalenga wa bena Izrayele uvua wenda pa tshimana tshia tshimenga. Mukaji mukuabu kumuela diyi ne: — Mfumuanyi, ungambuluishe!

2 Bakalenga 8:6

Mukalenga wa bena Izrayele kukonka mukaji. Mukaji kumulondela bualu bujima. Diakamue, mukalenga wa bena Izrayele kuambila muntu mukuabu wa ku bantu bende, uvuaye wenda nende miaba yonsu, bua atangile tshilumbu tshia mukaji awu. Mukalenga kuamba ne: — Ndi musue bua bamupingajile bintu biende bionsu. Kabidi bamufute bua bintu bionsu bivuabu banowa mu budimi buende, katshia umuka mu ditunga dietu too ne mpindiewu.

Estere 5:14

Nenku, muena kuende Zereshe ne balunda bende bonsu, kumuambila ne: — Bantu bakongoluele mutshi wa bule bua metre makumi abidi ne atanu. Maloba dinda, lomba mukalenga bua boweleku Mordekayi. Nenku, neuye kufila mukalenga ne disanka mu didia amu. Amane kuanyisha lungenyi alu, kuenzeja tshiowelu.

Misambu 145:1

Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Rute 2:3

Ke Rute kuya ku budimi, wenda upumbulula biakudia bivua banowi bashiya mu budimi. Diakalenga, budimi abu buvua bua Bowaze, wa mu diku dia ba Elimeleke.

1 Samuele 26:17

Shawule kumanya diyi dia Davide, kukonkaye ne: — Muananyi Davide, diyi dindi mumvue edi, ndiebe wewe anyi? Davide kuandamuna ne: — Mukalenga Shawule, ndianyi meme.