2 Bakalenga 8:18 - MUKANDA WA MYIDI MUKULU

¹⁸ Kadi, kuenzaye anu buenzayi bu muvua bakalenga bonsu ba bena Izrayele benza, — kabidi anu bu muvua bena nzubu wa Akabe benza, bualu Yorame uvua musele muana wa Akabe. — Nanku, Yorame kuenza bidi Maweja-Nangila ubenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakenda mu nshila ya hakelenge ba Isalele bu muakenza ba mu nsubu wa Ahaba, bualu bua muana wa Ahaba wakadi mukashi wandi; yeye wakenza malu mabi ku mesu kua Yehowa.

2 Bakalenga 8:18 ပူးပေါင်းရင်းမြစ်များ

1 Bakalenga 21:25

Bulelela, katshia kabena banji kumona muntu usanka bua kuenza bidi Maweja-Nangila ubenga, bu mudi mukalenga Akabe usanka bua kuenza nanku. Kadi badi bamuenzeja bionsu ebi kudi mukajende Yezabele.

1 Bakalenga 22:44

Kadi, Yosafate kavua mukandike miaba ya tshijila ivua bantu baya kutendelela mvidie. Bantu bavua anu baya miaba ayi, bua kulambula milambu ya nyama, ne ya manananshi.

2 Bakalenga 16:3

Uvua mulonde amu buenzayi bua bakalenga ba Izrayele. Akaze kufika ne ku dilambula muanende wa balume bu mulambu wa kuosha, bilondeshile bilele bibi bia bisamba bivua Maweja-Nangila muipate bua kushilabi bena Izrayele ditunga.

2 Bakalenga 21:13

Nembutule Yerushalayime, bu mumvua mubutule Samariya ne bena diku dia Akabe. Meme nenshiye Yerushalayime munda mutupu, anu bu mudibu basukula dilonga, pashishe, badibuikija.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 8:26

Akaziya uvua ne bidimu makumi abidi ne bibidi. Uvua mushale tshidimu tshijima mu bukalenga mu Yerushalayime. Dina dia mamuende divua Ataliya. Ataliya uvua wa mu diku dia Omri, mukalenga wa bena Izrayele.

2 Bakalenga 8:27

Akaziya uvua muenze buenzayi anu bu muvua bena diku dia Akabe benza. Uvua wenza bidi Maweja-Nangila ubenga, anu muvuabu benza kudi baku bende bena diku dia Akabe.

2 Kulondolola 17:4

Kadi, uvua uditatshisha bua kumanya disua dia Maweja-Nangila Mvidi Mukulu wa bankambua bende, ne bua kuitaba mikenji yende. Kabavua benze nanku mu bukalenga bua ku mutu wa ditunga to.

2 Kulondolola 18:1

Mukalenga Yosafate uvua ne bubanji ne lumu. Uvua museleshe muanende wa balume mukaji, muana wa Akabe, mukalenga wa Izrayele.

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!

2 Kulondolola 21:13

Kadi udi mulonde tshilejilu tshia bakalenga ba bena Izrayele. Udi mufikishe bena Yerushalayime ne bena Yuda, ku ditendelela mvidie ya tshianana, bu muvuabu benza kudi bena diku dia Akabe. Udi mushipe kabidi bana benu ba balume bavua bakupite ku malu mimpe.

2 Kulondolola 21:6

Uvua wenza malu mabi anu bu muvuabu benza kudi bakalenga ba bena Izrayele, nangananga kudi bena diku dia Akabe. Bualu Yorame uvua musele muana wa Akabe. Nanku, Yorame uvua muenze malu adi Maweja-Nangila mubenge.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”