2 Bakalenga 8:10 - MUKANDA WA MYIDI MUKULU

¹⁰ Muambi Elisha kuandamuna ne: — Uye kumuambila ne: bulelela, disama diende nedijike. Kadi Maweja-Nangila udi mumane kundeja ne: neafue bulelela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Elisha wakamuambila ne, Ya umuambile ne, Wewe neusangale bulelela, kadi Yehowa wakundesha ne, Yeye neafue bulelela.

2 Bakalenga 8:10 ပူးပေါင်းရင်းမြစ်များ

Genese 2:17

Kadi kuena mua kudia bimuma bia mutshi wa kujingulula malu mempe ne malu mabi. Dituku divuadia bimuma bia mutshi awu, tshiebe ndufu.”

Genese 41:39

Pashishe mukalenga kuambila Yozefe ne: — Bu mudi Mvidi Mukulu mukuleje bintu abi, kakuena muntu mukuabu udi mua kukupua ku lungenyi ne meji to.

1 Bakalenga 22:15

Mika ufika kudi mukalenga Akabe, awu kumukonka ne: — Mika, tudi mua kuya kuluangana, bua tuetu kukuata tshimenga tshia Ramote tshidi mu ditunga dia Ngilaade, anyi katuena mua kuya? Muambi kuandamuna ne: — Udi mua kuya. Neutshimune, Maweja-Nangila neafile tshimenga atshi mu bianza biebe.

2 Bakalenga 1:16

Eliya kuambila mukalenga Akaziya ne: — Maweja-Nangila udi wamba ne: “Bu muudi mutume bantu kudi mvidie Baale Zebube, udi mu tshimenga tshia Ekrone bua kumukonka malu, mmumue ne: ku mesu ebe, mu ditunga dia bena Izrayele kamuena Mvidi Mukulu udibu mua kukonka malu. Nanku, kuena ujuka mu bulalu muudi mulale emu to, neufue!”

2 Bakalenga 1:4

Pashishe ubambile kabidi ne: “Maweja-Nangila udi wambila Akaziya, mukalenga wa bena Izrayele ne: ‘Kuena ujuka kabidi mu bulalu buudi mulale emu to, neufue!’ ” Muambi Eliya kuenza bionsu bivua Maweja-Nangila mumuambile.

Yirmeya 38:21

Kadi wewe mubenge kudifila kudi bena Babilone, malu adi Maweja-Nangila mundeje neakuenzekele:

Yezekiyele 11:25

Meme kulondela bantu bavua mu bupika bionsu bivua Maweja-Nangila mundeje.

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Amosa 7:1

Teleja bivua Maweja-Nangila Mvidi Mukulu mundeje: meme kumona muvuaye mufuke mpasu mipite bungi. Bantu bakavua bamane kunowa bidibu ne bua kulambula mukalenga wa ditunga. Bisosa bi-kavua bituadija kutoloka tshiakabidi.

Amosa 7:4

Ke Maweja-Nangila Mvidi Mukulu kundeja bualu bukuabu: kubikilaye kapia kakole bua kanyoke bantu. Kapia kukamisha mayi onsu, nansha a muinshi mua buloba. Kakavua kashidisha ditunga dia bena Izrayele.

Amosa 7:7

Maweja-Nangila kundeja kabidi bualu ebu: Yeye mene uvua muimane pa tshimana, ne nshinga wa kuludika nende mu bianza.

Amosa 8:1

Maweja-Nangila Mvidi Mukulu kundeja kabidi tshibondu tshia bimuma bimane kuboba.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,