2 Bakalenga 8:1 - MUKANDA WA MYIDI MUKULU

¹ Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

Mukanda wa Nzambi Dihungila Dikulukulu ne Dihungila Dihia-dihia 2003

¹ Elisha wakambila mukashi, muena muana wakabisbeye ku lufu, ne, Juka, uye ne ba mu nsubu webe, ya ushikame kuonso kûdi mua kushikama, bualu bua Yehowa neatume tshiole mu buloba tô bidimu muanda mutekete.

2 Bakalenga 8:1 ပူးပေါင်းရင်းမြစ်များ

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Genese 26:1

Tshiyole tshikuabu tshia nzala kupatuka mu ditunga, tshishilangane ne tshia kumpala tshia mu tshikondu tshia Abrahame. Izake kuya mu Ngerare kua Abimeleke, mukalenga wa bena Peleshete.

Genese 41:25

Yozefe kuambila mukalenga ne: — Bilota biebe bibidi bidi bileja bualu bumue. Mvidi Mukulu udi ukumanyisha malu adiye musue kuenza.

Genese 41:32

Paudi mulote ndota ayi mishindu ibidi ya momumue, umanye ne: Mvidi Mukulu mmumane kujadika bualu ebu, kabidi neabukumbaje lukasa.

Genese 41:54

Bidimu bikuabu muanda mutekete bia tshiyole tshia nzala kutuadija bu muvua Yozefe mumane kuamba. Tshiyole kufika mu matunga makuabu onsu. Kadi biakudia bivua mu Ejipitu.

Genese 47:4

Tudi bafike bua kusomba munemu, bualu ku Kenaane kudi tshiyole tshikole, tshiumisha too ne bisosa bia kudisha bimuna bietu. Nanku, anyisha bua tusombele mu Ngoshene.

2 Samuele 21:1

Tshikondu tshivua Davide mu bukalenga, tshiyole tshia nzala kushala mu ditunga bidimu bisatu bilondangane. Mukalenga Davide kukonka Maweja-Nangila bua tshiyole atshi. Maweja-Nangila kuandamuna ne: — Nudi mu tshiyole, bualu Shawule ne bantu bende mbena tshibawu: bavua bashipe bena Ngibone.

2 Samuele 24:13

muambi Ngade kuya ku nzubu kua Davide, umuambila bionsu bivua Mvidi mukulu muambe. Pashishe muambi kukonka Davide ne: — Usungule dinyoka diudi musue. Udi musue ditunga diebe dishale ne tshiyole tshia nzala bidimu muanda mutekete anyi? Udi musue kunyema baluishi, bobu benda amu bakulondakaja, ngondu isatu, anyi? Udi musue tshipupu tshia disama tshikengesha bena ditunga diebe, matuku asatu? Ela meji bimpe, ungandamune tshindi mua kuya kuambila udi muntume.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 18:2

Muambi Eliya kuya kumonangana ne mukalenga Akabe. Mu tshimenga tshia Samariya tshiyole tshia nzala tshivua tshipite bukole.

2 Bakalenga 4:18

Muana awu kukola. Dituku dikuabu, kuyaye kumonangana ne tatuende uvua wenza mudimu mu madimi ne banowi ba bintu.

2 Bakalenga 4:36

Diakamue, Elisha kubikila Ngeyazi kumuambila ne: — Ndaku, ubikile mamuende wa muana. Ngeyazi kutuluka bua kukeba mamuende wa muana. Awu ufika, Elisha kumuambila ne: — Luaku, wangata muanebe.

2 Bakalenga 4:38

Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

2 Bakalenga 7:20

Bionsu abi kuenzeka: bantu bavua bunguila ku tshiibi tshia ku tshimenga, kudiatakaja muntu uvua wenda miaba yonsu ne mukalenga wa bena Izrayele, muntu awu kufua.

2 Bakalenga 8:2

Mukaji awu kukumbaja bionsu bivua muambi mumuambile. Diakamue kuyaye ne bena nzubu wende mu ditunga dia bena Peleshete, kusombamu bidimu muanda mutekete.

Misambu 105:16

Kubatuminaye tshiyole mu ditunga, biakudia kukepela.

Misambu 107:34

buloba bua bufuke buenza bua lusenga, pikala badi basombapu benza malu mabi.

Yirmeya 25:29

Tshiena mfuila tshimenga tshidi tshianyi meme luse. Ke nuenu kuela meji ne: katuena bena tshibawu. Nentume muele wa mvita, bua ushipe bantu bonsu badi mu buloba bujima. Ke mundi meme Maweja-Nangila wa bukole buonsu ngamba.”

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Amosa 4:6

Mu bimenga bienu bionsu nuvua balale ne nzala, mu misoku yenu yonsu kamuvua tshiakudia! Uvua munutumine tshiyole atshi, ke meme! Kadi nansha nanku, kanuena bapingane kundi! Meme Maweja-Nangila ndi njadika nanku.

Agayi 1:11

Meme kunutumina minanga mu ditunga: pa mikuna, mu madimi a ntete ya kuenza bukula, a mionji ya nwinyo, a mitshi ya olive, ne mu madimi a bikunyibua bikuabu bionsu. Bantu ne nyama kukenga ku minanga ayi. Nanku, nuvua bakuate mudimu amu tshianana.”

Luke 21:11

Bikumina bienza bowa nebienzeke miaba yonsu pa buloba. Biyole bia nzala ne bipupu bia masama nebikale miaba mishilangane. Mu diulu nemukuluke bintu bidi bileja malu manene, bikuatshisha bantu bowa.

Luke 21:22

Bualu matuku awu neikale matuku adibu bakosa nsambu ya bantu, bua kukumbaja bionsu bidibu bafunde mu Mikanda ya tshijila.

Luke 4:25

Ndi nnujadikila bulelela ne: mu tshikondu tshia Eliya, bakaji bakamba bavua ba bungi mu Izrayele. Bidimu bisatu ne ngondu isambombu mvula kavua muloke to. Tshiyole tshikole tshia nzala tshivua mu ditunga dijima.

Bienzedi 11:28

Umue wa kudibu, diende Agabuse, kujuka. Mueyelu wa Tshijila kumuambila, bua amanyishe bantu ne: “Matuku makese aa tshiyole tshia nzala tshinene netshienzeke pa buloba bujima.” (Tshiyole atshi kuenzeka tshikondu tshivua Klode mukalenga wa bakalenga).

Rute 1:1

Matuku avua balombodi balombola ditunga dia Izrayele, tshiyole tshia nzala tshivua tshibuela mu ditunga. Ke muntu wa mu musoku wa Betleyeme, mu ditunga dia Yuda, kuangata mukajende ne bana bende ba balume babidi, bua kuanjibu kuya kusomba mu ditunga dia Mowabe.