2 Bakalenga 7:9 - MUKANDA WA MYIDI MUKULU

⁹ Kadi bena nsudi banayi abu kuambilangana ne: — Bitudi tuenza ebi kabiena bimpe to. Lelu tudi bapeta bualu bua disanka. Katuena mua kushala bapuwa to. Tuetu bindile too ne patshia butuku bua kuamba bualu ebu, bulelela Mvidi Mukulu udi mua kutunyoka. Nanku, tuyayi kuambila badi mu nzubu wa mukalenga bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe bakamusangana ne, Katuena tuenza bimpe, bualu bua edi ndituku dia lumu luimpe, ne tuetu tudi bahuwe. Bituajingakana tô ne hatshiabu, dikenga neditukuate; nunku tuye bietu kumanyisha ba mu nsubu wa mukelenge.

2 Bakalenga 7:9 ပူးပေါင်းရင်းမြစ်များ

2 Bakalenga 5:4

Nanku Namane kuya kuambila mukalenga wa bena Siriya bionsu bivuabu bambe kudi nsongakaji wa bena Izrayele abi.

2 Bakalenga 7:10

Nanku, kupinganabu mu tshimenga, kubikila batentekedi bavua balame tshiibi tshinene, babambila ne: — Tuvua baye mu mitanda ya bena Siriya, katuena basanganamu muntu to. Kabidi katuena bumvue nansha diyi dia muntu. Tudi basangana anu nyama ya tubalu ne ya mpunde misuike. Tudi basangana kabidi ne ntenta ivuabu balekele.

2 Bakalenga 7:3

Bena nsudi banayi bavua pambelu ku tshiibi tshinene tshia tshimenga, kuambilanganabu ne: — Tudi basombe muaba ewu bindila lufu bua tshinyi?

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

2 Bakalenga 7:8

Ke bena nsudi banayi abu kufika ku tshibuelelu tshia mitanda ya bena Siriya, kubuela mu ntenta, kudia, kunua bintu bionsu bivuabu basangana. Pashishe, kuangatabu tshiamu tshitoke tshia mushinga mukole, tshiamu tshia mpawungi ne bilamba, kuyabu kubisokoka muaba mukuabu. Pashishe kubuelabu mu ntenta mukuabu, kuangata kabidi bintu bishilangane bivuamu, kuya kubisokoka.

Nsumuinu 24:16

Muntu muakane, nansha bobu bamukengesha amu kumukengesha, neajuke amu kujuka. Kadi bantu babi, muluishi neabashinde kashidi.

Yeshaya 41:27

Meme ndi wa kumpala, wakadianjila kuambila Siyone bualu. Bualu mvua mutume muntu mu Yerushalayime, bua kutuadila bantu lumu lua disanka lua ne: “Bana benu, bakadi bapingana!”

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Luke 2:10

Kadi mutumibue kubambila ne: — Kanutshinyi to. Ndi munutuadile Lumu lua Disanka luasankisha bantu bonsu bikole:

Filipe 2:4

Muntu kakebi tshidi tshimusankisha amu yeye. Kadi elayi bonsu meji ku bidi bisankisha bakuabu.