2 Bakalenga 7:4 - MUKANDA WA MYIDI MUKULU

⁴ Tuetu baye mu tshimenga tudi mua kufua, bualu kamuena biakudia kabidi to. Kabidi nansha tuetu bashale muaba ewu tudi anu mua kufua! Nanku, tuyayi mu mitanda ya bena Siriya, tuye kudilambula kudibu. Padibu batulekela ne muoyi bidi bimpe. Kadi padibu basue kutushipa, netufue!

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bituanua ne, Netubuele mu musoko, ka tshiole tshidiku, netufuileku; bituashikama kunoko tshianana, netufuile kabidi. Nunku tuye bietu kudi masalayi a Bena Sulia; biatusungilabo, netuikale ne muoyo; biatushihabo, netufue.

2 Bakalenga 7:4 ပူးပေါင်းရင်းမြစ်များ

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

2 Bakalenga 6:24

Mu tshikondu tshikuabu, Benadade, mukalenga wa bena Siriya, kusangisha bena mvita bende bonsu bua kuya kuluisha tshimenga tshia Samariya.

2 Bakalenga 7:5

Nanku dilolu, bena nsudi abu kuya mu mitanda ya bena Siriya. Bobu kufika ku tshibuelelu tshia mu mitanda, kabena basangana muntu to.

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.

Estere 4:16

“Uye kusangisha bena Yuda bonsu badi mu Shushane. Nujile biakudia bualu buanyi, kanuyi nudia nansha nunua matuku asatu a munya ne a butuku. Netuenze kabidi nanku meme ne bena mudimu banyi. Pashishe, nansha bu mudibi bikandika kudi diyi, nenye kudi mukalenga. Nanku, bu bobu mua kunshipa nebanshipe!”

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Yona 3:9

Bumue Mvidi Mukulu udi mua kushintulula meji ende, kutuyisha tshiji tshiende tshinene, tushale ne muoyi.”

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.