2 Bakalenga 7:13 - MUKANDA WA MYIDI MUKULU

¹³ Mulombodi mukuabu wa mu bukalenga, kupesha mukalenga Yorame meji, umuambila ne: — Tuangate nyama yetu ya tubalu itanu itshidi ne muoyi, (nyama ayi ikadi pa kufua, bu mudi bantu ba mu tshimenga). Tutume bantu bakuabu baye ne nyama ayi bua tumone tshidi mua kuenzeka.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Umue wa bantu bandi wakamuambila ne, Ndi nkusengelela ne, Witabushe bua bangate tubalu tutanu tudi tushala mu musoko, bualu bua tubalu tudi bu tshisumbu tshia Bena Isalele tshidi tshishala, ludi bu tshisumbu tshia Bena Isalele tshiakadia; tubatume, batangile bualu ebu.

2 Bakalenga 7:13 ပူးပေါင်းရင်းမြစ်များ

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

2 Bakalenga 6:33

Patshivua Muambi Elisha wakula, ke mukalenga kufika, wamba ne: — Maweja-Nangila ke udi unkengesha nunku! Kadi tshia nsongu tshindi mua kutekemena kabidi kudiye ntshinyi?

2 Bakalenga 7:12

Mukalenga wa bena Izrayele kubika mundankulu, kuambila balombodi ba bukalenga buende ne: — Ndi musue kunumvuija meji mabi adi bena Siriya babielela! Bena Siriya mbamanye ne: tudi ne nzala. Nanku mbumuke mu mitanda yabu, baye kusokoma mu tshisuku. Badi bela meji ne: tuetu bena Izrayele netupatuke mu Samariya. Diba adi, bobu nebabakuate ne muoyi, nebabuele mu tshimenga tshietu.

2 Bakalenga 7:14

Nanku, mukalenga Yorame kusuika nyama ya tubalu ku matempu a mvita abidi. Kutumaye bena mvita bende nawu bua kukeba bena mvita ba bena Siriya, kabidi bua kujadika bivua mua kuenzeka.

2 Bakalenga 7:4

Tuetu baye mu tshimenga tudi mua kufua, bualu kamuena biakudia kabidi to. Kabidi nansha tuetu bashale muaba ewu tudi anu mua kufua! Nanku, tuyayi mu mitanda ya bena Siriya, tuye kudilambula kudibu. Padibu batulekela ne muoyi bidi bimpe. Kadi padibu basue kutushipa, netufue!

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Muadi 4:9

Bivua bipite buimpe kufua ku muele wa mvita, pa mutu pa kufua ku nzala, pa mutu pa kulewuka ku tshiyole.