2 Bakalenga 7:1 - MUKANDA WA MYIDI MUKULU

¹ Muambi Elisha kuandamuna ne: — Telejayi bonsu! Maweja-Nangila udi wamba ne: “Malaba pa diba ditudi edi, mu tshisalu tshia mu Samariya, bantu nebasumbishangane kilo ya bukula dikumi ne ibidi, nansha kilo ya ntete ya oije makumi abidi ne inayi, anu ku lukanu lumue lua tshiamu tshitoke tshia mushinga mukole.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Elisha wakamba ne, Unvue biebe dî dia Yehowa. Yehowa udi wamba ne, Makelela ha diba edi mene nebahane tshihiminu tshia bukula bubotesha ku nshekele umue, ne bihiminu bia bukula bua orge bibidi ku nshekele umue ku tshibi tshia ku Samalea.

2 Bakalenga 7:1 ပူးပေါင်းရင်းမြစ်များ

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

2 Bakalenga 20:16

Ke Yeshaya kuambila Izkiya ne: — Teleja tshidi Maweja-Nangila wamba:

2 Bakalenga 4:42

Tshikondu atshi, muntu mukuabu uvua utumina ku Baale-Shalisha. Uvua mutuadile muambi mampa a orje makumi abidi, menza ne bukula bupiabupia. Uvua kabidi ne tshibombi tshia ntete iwaye munowe anu matuku awu. Elisha kuambila muena mudimu wende bua kuabanyina bantu bonsu biakudia abi.

2 Bakalenga 6:25

Mu tshimenga atshi, muvua tshiyole tshia nzala tshikole tshitambe. Bualu bena mvita abu, bavua balama tshimenga atshi bikole. Nanku bena tshimenga kusumbishangana mutu wa nyama wa mpunde, ku nkanu mitoke ya mushinga mukole muanda mukulu, ne kilo umue wa nkunde ku nkanu mitoke ya mushinga mukole itanu.

2 Bakalenga 6:33

Patshivua Muambi Elisha wakula, ke mukalenga kufika, wamba ne: — Maweja-Nangila ke udi unkengesha nunku! Kadi tshia nsongu tshindi mua kutekemena kabidi kudiye ntshinyi?

2 Bakalenga 7:16

Diakamue bena Samariya kuya kupawula bintu mu mitanda ivua bena Siriya balekela. Nanku bu muvua Maweja-Nangila mumane kuamba, bantu kusumbishangana kilo ya bukula dikumi ne ibidi, nansha kilo ya orje makumi abidi ne inayi, anu ku lukanu lumue lua tshiamu tshitoke tshia mushinga mukole.

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 16:12

— Ndi mumane kumvua bijanu bia bena Izrayele. Kadi ubambile ne: “Dilolu edi, nenudie munyinyi: dinda nenudie mampa nuukute, bua nujadike ne: meme ndi Maweja-Nangila Mvidi Mukulu wenu!”

Ekesode 8:23

Tuyaya mu tshipela, tuenze luendu lua matuku asatu bua kulambula Maweja-Nangila Mvidi Mukulu wetu milambu idiye musue.

Yeshaya 1:10

Nuenu bamfumu ba mu Yerushalayime, nudi bafuanangane ne bena tshimenga tshia Sodome. Telejayi bimpe tshidi Maweja-Nangila wamba! Nuenu kabidi bantu babi, badi bafuanangane ne bena Ngomore. umvuayi mudi Mvidi Mukulu wetu unubela ne:

Yezekiyele 37:4

Kuambaye kabidi ne: — Ambila mifuba eyi mu dina dianyi ne: “Nuenu mifuba miume nyonyonyo, telejayi!

Yowanane 6:9

— Kudi nsongalume muaba ewu udi ne mampa a orje atanu ne mishipa ibidi. Kadi binebi, bua bantu bungi nenku, tshienzabi ntshinyi?

Yoshua 3:5

Yoshuwa kuambila bena Izrayele ne: — Nujikije mikiya inudi nayi, bualu malaba Maweja-Nangila neenze bishima munkatshi muenu.

Didimanyisha 6:6

Meme kumvua bu diyi difuma munkatshi mua Bia muoyi binayi, diamba ne: “Kilo umue wa ntete ya kuenza bukula, nansha kilo isatu ya ntete ya orje ikale difutu dia mudimu wa dituku dimue. Kadi kanunyangi mafuta ne maluvu to.”

1 Samuele 11:9

Kadi bantu bavua bafuma ku Yabeshe, kubapingajabu ku tshimenga atshi bua kuambila bana babu ne: “Malaba munda munya, netunusungidile.” Bantu bavuabu batume, kuyabu kuambila bena mu Yabeshe lumu alu. Nanku bena Yabeshe kusanka bikole.

1 Samuele 15:1

Samuwele kuambila Shawule ne: — Ku kale, Maweja-Nangila uvua muntume bua kukujidila, bua ushale mukalenga wa bantu bende bena Izrayele. Nanku, teleja tshindi musue kukuambila mu dina dia Maweja-Nangila.