2 Bakalenga 6:9 - MUKANDA WA MYIDI MUKULU

⁹ Kadi muambi Elisha kutuma bantu kudi mukalenga wa bena Izrayele bua kumuambila ne: — Nudimuke! Kanuena mua kupitshila muaba kampande awu to, bualu bena mvita ba bena Siriya badiku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Muntu wa Nzambi wakatumina mukelenge wa Isalele dî ne, Udimuke, kuhitshidi ku muaba kampanda au bualu bua Bena Sulia badi bahuekelaku.

2 Bakalenga 6:9 ပူးပေါင်းရင်းမြစ်များ

1 Bakalenga 20:13

Ke muambi kampande kuya kudi Akabe, mukalenga wa bena Izrayele, umuambila ne: — Maweja-Nangila udi wamba ne: “Udi mumone musumba munene wa bena mvita! Ndi mbafila mu bianza biebe anu lelu, bua wewe kumanya ne: meme ndi Maweja-Nangila.”

1 Bakalenga 20:28

Muambi wa Mvidi Mukulu kuya kabidi kudi Akabe, mukalenga wabena Izrayele, umuambila ne: — Maweja-Nangila udi wamba ne: “Bu mudi bena Siriya bamba ne: meme Maweja-Nangila ndi anu Mvidi Mukulu wa ku mikuna, tshiena wa mu mpata, ndi mfila bena mvita babu bonsu mu bianza biebe, bua wewe kumanya ne: meme ndi Maweja-Nangila.”

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

2 Bakalenga 4:27

Kadi, mukaji ufika pabuipi ne muambi Elisha ku mukuna wa Karmele, kudiela panshi, kumukuata ku makasa. Ngeyazi uvua musue kumusakila. Kadi Elisha kumukandika ne: — Mulekela! Udi ne dibungama. Tshiena mumanye kudidi difuma, bualu Mvidi Mukulu kena mungambile.

2 Bakalenga 4:7

Mukaji kuya kuambila muambi Elisha bionsu abi. Muambi Elisha kumuandamuna ne: — Uye kusumbisha mafuta awu, ufute dibanza. Kadi makuta adi ashale neakuambuluishe ne bana bebe.

2 Bakalenga 6:10

Nanku mukalenga wa bena Izrayele uvua mua kutuma bena mvita bua batentekele muaba awu. Misangu yonsu ivua bena mvita ba bena Siriya badilongolola bua kuluisha bena Izrayele, muambi Elisha uvua anu umanyisha mukalenga wa bena Izrayele. Nanku mukalenga wa bena Izrayele uvua anu mudimuke.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

2 Bakalenga 6:8

Tshikondu tshivua mukalenga wa bena Siriya uluisha bena Izrayele, kuyukilaye ne balombodi ba bena mvita bende. Kubambilaye muaba uvuaye musue bua bena mvita bende kuasa mitanda yabu.

Yobe 5:12

Udi upumbisha bena budimu meji adibu bela. Midimu idibu bakuata kayena ilubuluka.

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Nsumuinu 22:12

Maweja-Nangila udi musue bua bantu bamanye malu malelela. Ke mudiye ujandula miaku ya bantu bena dishima.

Yirmeya 11:18

Maweja-Nangila uvua mungambile malu mabi adi baluishi banyi bakeba kungenzela. Nanku, ndi mumanye malu abu.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.