2 Bakalenga 6:8 - MUKANDA WA MYIDI MUKULU

⁸ Tshikondu tshivua mukalenga wa bena Siriya uluisha bena Izrayele, kuyukilaye ne balombodi ba bena mvita bende. Kubambilaye muaba uvuaye musue bua bena mvita bende kuasa mitanda yabu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Mukelenge wa Bena Sulia wakadi uluangana ne Bena Isalele; wakambila bantu bandi ne, Tshitudilu tshianyi netshikale mu muaba kampanda.

2 Bakalenga 6:8 ပူးပေါင်းရင်းမြစ်များ

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

1 Bakalenga 20:23

Balombodi ba mu bukalenga bua bena Siriya, kuambilabu mukalenga wabu ne: — Mvidi Mukulu wa bena Izrayele udi Mvidi Mukulu wa ku mikuna, ke padi bena Izrayele batupite bukole. Kadi, tuye kuluangana nabu mu mpata, netubapite bukole bulelela.

1 Bakalenga 20:34

Benadade kuambila Akabe ne: — Nenkupingajile bimenga bivua tatu wanyi munyenge tatuebe. Nanku bintu bia mu ditunga diebe, neuye kubisumbisha mu tshimenga tshia Damase, bu muvua tatu wanyi uya kusumbisha bintu bia mu ditunga dietu mu Samariya. Akabe kumuambila ne: — Meme ndi musue kutua nebe ndondu. Pashishe, nenkulekele bua wewe kuya muebe muudi musue. Akabe mumane kutua ndondu ne Benadade, kumulekelaye.

1 Bakalenga 22:1

Bidimu bibidi bimane kupita, bena Siriya ne bena Izrayele kabayi baluangana mvita.

1 Bakalenga 22:31

Kadi, mukalenga wa bena Siriya, uvua mumane kutuma diyi kudi bamfumu makumi asatu ne babidi, bavua ne matempu ende a mvita, bua kuluisha anu Akabe, mukalenga wa bena Izrayele, kabayi baluisha bena mvita bakuabu, nansha balombodi ba bena mvita.

2 Bakalenga 6:24

Mu tshikondu tshikuabu, Benadade, mukalenga wa bena Siriya, kusangisha bena mvita bende bonsu bua kuya kuluisha tshimenga tshia Samariya.

2 Bakalenga 6:7

Muambi Elisha kuambila muntu awu ne: — Angata tshisuyi tshiebe. Muntu awu kuolola amu tshianza, kuambula tshisuyi tshiende.

2 Bakalenga 6:9

Kadi muambi Elisha kutuma bantu kudi mukalenga wa bena Izrayele bua kumuambila ne: — Nudimuke! Kanuena mua kupitshila muaba kampande awu to, bualu bena mvita ba bena Siriya badiku.

Nsumuinu 20:18

Bidi bantu bajadika bidi bikumbana padibu bafila meji malenga. Pawikala musue kuluangana mvita, anji kudilongolola bimpe.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.