2 Bakalenga 6:32 - MUKANDA WA MYIDI MUKULU

³² Diba adi, muambi Elisha uvua wenza tshisangilu ku nzubu kuende ne bakulu ba mu tshimenga. Nanku mukalenga Yorame wa bena Izrayele kutuma muntu kudi Elisha. Kadi muntu awu kayi muanji kufika, Elisha kuambila bakulu abu ne: — Monayi bualu bua dikema! Mukalenga Yorame, mushipianganyi ewu, udi utuma muntu bua kunkosa mutu. Nudimuke, muntu awu yeye mufike, nuinjile tshiibi bua kabuedi to. Tukadi tunwua mene mukalenga Yorame pende ulonda muntu awu panyima.

Mukanda wa Nzambi Dihungila Dikulukulu ne Dihungila Dihia-dihia 2003

³² Elisha ne bakulu bakadiye nʼabo bakadi bashikame mu nsubu muandi; mukelenge wakatuma muntu wandi kudiye, kadi diambedi yeye kayi muanze kufika ha buihi nʼandi, yeye wakambila bakulu ne, Monai muakuntumina muana wa mushihianganyi au muntu eu bua kunkoseye mutu wanyi; halua messager, nuinshile tshibi anu ku mesu kuandi, nutshikuate bikole; mikumu ya makasa a mukelenge wandi kayena ku nyima kuandi, anyi?

2 Bakalenga 6:32 ပူးပေါင်းရင်းမြစ်များ

1 Bakalenga 14:6

Anu muambi Akiya umvua mikuma mu tshiibi tshiende, kuelaye diyi ne: — Muena kua Yerobowame, buelaku! Kadi, udi mudisokoke, udileja bu mukaji mukuabu bua tshinyi? Nansha wewe muenze nanku, ndi nkuambila bualu bua dibungama.

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 21:10

Muaba udi Nabote muimanyine awu, nushikikepu bantu babidi bena dikamakama, bikale balulamangane ne Nabote. Bantu abu, nebamushiminyine ne: Nabote udi usendeka Mvidi Mukulu, usendeka ne mukalenga Akabe. Pashishe, nupatuke nende mu tshimenga, numuase mabue, numushipe.”

1 Bakalenga 21:13

Bantu babidi kusomba, balulamangane ne Nabote. Bantu abu, kumushiminyina malu kumpala kua bantu bonsu, bamba ne: — Nabote udi usendeka Mvidi Mukulu, usendeka ne mukalenga Akabe kabidi! Diakamue, kupatukabu ne Nabote mu tshimenga, kumuasa mabue, kumushipa.

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

2 Bakalenga 7:17

Mukalenga Yorame kutuma muntu uvuaye wenda nende miaba yonsu, bua aye kumona bivua bienzeka mu tshisalu, ku tshiibi tshia tshimenga. Kadi bantu bavua bunguile muaba awu, kudiata muntu awu, kufuaye bu muvua muambi Elisha muambe pavua mukalenga wa bena Izrayele mufike bua kumonangana nende.

Yirmeya 11:18

Maweja-Nangila uvua mungambile malu mabi adi baluishi banyi bakeba kungenzela. Nanku, ndi mumanye malu abu.

Yirmeya 32:3

Sedekiya uvua mumuelemu bualu uvua mufike munda bua muaku uvua Yirmeya muakule mu dina dia Maweja-Nangila ne: “Nemfile Yerushalayime mu bianza bia mukalenga wa mu Babilone. Yeye neakuate tshimenga.

Yezekiyele 14:1

Dituku dikuabu, bakulu ba bena Izrayele kufika bua kungebeja malu.

Yezekiyele 20:1

Tshidimu tshia muanda mutekete, tshivuabu bamane kuya ne bena Izrayele mu bupika, dituku dia dikumi dia ngondu muitanu, bakulu bakuabu ba bena Izrayele kufika bua kunkonka ne: tshidi Maweja-Nangila musue menemene ntshinyi? Bobu kusomba panshi kuntangila.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Yezekiyele 8:1

Mu tshidimu tshisambombu tshitua bena Izrayele mu bupika, mu matuku atanu a ngondu muisambombu, bakulu ba bena Yuda batua bafike kuanyi bua kunsombesha. Diakamue bukole bua Maweja-Nangila Mvidi Mukulu kuntulukila muaba awu.

Luke 13:32

Yezu kubandamuna ne: — Nuye, nuambile nyama wa kabundi awu ne: “Ndi ngipata mikishi mibi, njikija masama lelu ne maloba. Dituku disatu nenjikije mudimu wanyi.”