2 Bakalenga 6:27 - MUKANDA WA MYIDI MUKULU

²⁷ Kadi mukalenga kumuandamuna ne: — Pikala Maweja-Nangila kayi ubambuluisha, meme nenkuambuluishe ne tshinyi? Bualu kakuena kushala ntete ya kuenza bukula nansha maluvu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Yeye wakamuebesha ne, Biabenga Yehowa kukukuatshisha, ndi mua kukukuatshisha kudi kunyi? Nenkukuatshishe ne bintu bia ku tshihehudi anyi bia ku tshikaminu tshia tumuma, anyi?

2 Bakalenga 6:27 ပူးပေါင်းရင်းမြစ်များ

Genese 50:10

Bafika mu Ngorene-Atade, dishiya dia musulu wa Yardene, kujukulabu miadi mikole. Yozefe kuenza madilu a tatuende matuku muanda mutekete. Tshibilu tshivua tshinene.

2 Bakalenga 6:26

Dituku dikuabu, mukalenga wa bena Izrayele uvua wenda pa tshimana tshia tshimenga. Mukaji mukuabu kumuela diyi ne: — Mfumuanyi, ungambuluishe!

2 Bakalenga 6:28

Kadi mukalenga kumukonka kabidi ne: — Tshiudi ujinga ntshinyi? Mukaji kuandamuna ne: — Udi mumone mukaji ewu anyi? Dituku dikuabu uvua mungambile ne: tudie muanebe wa balume lelu, patshiabu netudie wanyi.

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Misambu 146:3

Kanutekemenyi baneme: bualu amu mbantu. Kabena mua kunupandisha.

Misambu 60:11

Udi mua kumfikisha mu ditunga dia Edome, bua nkuate bimenga biadi bivuabu bakolesha ne bimana nnganyi?

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Yeshaya 2:2

Dituku dikuabu mukuna udibu base nzubu wa Mvidi Mukulu, neupite mikuna yonsu, neuyipite ku bule. Bisamba bionsu nebiutantshile, bibodiokamu.

Yirmeya 17:5

Maweja-Nangila udi wamba ne: — Ndi ndiwula muntu yonsu udi umbenga meme, utekemena kudi muntu mukuabu, ukeba bukole anu kudi bantu badi kabayi nabu.