2 Bakalenga 6:22 - MUKANDA WA MYIDI MUKULU

²² Muambi Elisha kuandamuna ne: — Nansha, kuena mua kubashipa to. Bantu badi bantu bebe bakuata mu mvita, utu ubashipesha anyi? Nanku bantu aba, ubapeshe biakudia ne bia kunua. Pashishe, ubalekele, bapingane kudi mukalenga wabu.

Mukanda wa Nzambi Dihungila Dikulukulu ne Dihungila Dihia-dihia 2003

²² Yeye wakamukudimuna ne, Nansha, kubashihi; udi musue kushiha bantu bawakukuata bahika ku muele wa nvita ne ku buta, anyi? Uteke bidia ne mai ku mpala kuabo, bobo badie, banue, bahingane kudi mukelenge wabo.

2 Bakalenga 6:22 ပူးပေါင်းရင်းမြစ်များ

Genese 48:22

Kadi tshitupa tshia buloba bua Shekeme, bumvua munyenge bena Amore ku muela wanyi wa mvita ne ku buta buanyi bua miketa, tshiena mbupesha bana benu to, ndi nkupeshabu anu wewe.

Misambu 44:6

Ku bukole buebe, netuipate baluishi betu. Mu dina diebe netubaboze.

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Osheya 2:18

Maweja-Nangila udi wamba ne: Dituku adi neambikile ne: “Bayanyi.” Kakumbikila kabidi ne: “Baale wanyi”, mmumue ne: “Mfumuanyi”.

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Yoshua 24:12

Meme kutuma mangulunge kumpala kuenu. Kunyemeshawu bakalenga babidi ba bena Amore. Nanku miele yenu ya mvita, nansha mata enu a mikete, kabiena ne tshidibi bienza to.