2 Bakalenga 6:15 - MUKANDA WA MYIDI MUKULU

¹⁵ Butshia dinda, muena mudimu wa muambi Elisha ubika bua kupatuka mu tshimenga, kumonaye bena mvita, nyama ya tubalu ne matempu a mvita, binyungulula tshimenga. Muena mudimu kuela diyi ne: — Eyi, mfumuanyi! Netuenze tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakabika muena mudimu wa muntu wa Nzambi dinda dionso, wakaluhuka, wakatangila tshisumbu tshia masalayi ne tubalu ne makalu tshiakanyunguluka musoko. Muena mudimu wandi wakamuebesha ne, Aka, mukelenge wanyi, netuenze tshinyi?

2 Bakalenga 6:15 ပူးပေါင်းရင်းမြစ်များ

1 Bakalenga 19:21

Elisha kupingana ku budimi buende. Muaba awu, kuangataye ngombe yende ibidi, ivuaye ukuata nayi mudimu, kuyilambulaye. Kuangataye ditempu, kukuatshisha nadi kapia bua kulamba munyinyi. Bantu bavua muaba awu, kubapeshaye munyinyi awu, kudiabu. Pashishe, Elisha kulonda Eliya, kushala muena mudimu wende.

2 Bakalenga 3:11

Kadi, Yosafate kukonka ne: — Muaba ewu, kakuena muambi udi mua kutuebejila malu kudi Maweja-Nangila anyi? Mulombodi wa bena mvita ba mukalenga wa bena Izrayele kuandamuna ne: — Tudi ne Elisha, muana wa Shafate. Yeye uvua wambuluisha muambi Eliya bikole.

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

2 Bakalenga 5:27

Bualu, disama dia nsudi divua nadi Namane nedikuambulukile, wewe ne ndelanganyi yebe kashidi! Ngeyazi umuka muaba uvua muambi Elisha, mubidi wende uvua mutoke too bu busu bua ndanda ne disama dia nsudi.

2 Bakalenga 6:14

Mukalenga wa bena Siriya kutuma bena mvita ba bukitu ku Dotane. Bena mvita abu, bavua baye ne matempu a mvita ne nyama ya tubalu. Kufikabu mu tshimenga atshi butuku, kutshinyungulula.

2 Bakalenga 6:16

Muambi Elisha kumuandamuna ne: — Kutshinyi to! Batudi nabu tuetu mbapite badibu nabu ku bungi.

2 Bakalenga 6:5

Kadi, pavua muntu mukuabu wa kudibu utapa mutshi, tshisuyi tshiende kukukatshi mu mulabi, kumata mu mayi. Muntu awu kuela diyi ne: — Mfumuanyi, ndiakabi kaayi edi! Tshisuyi tshivua tshia bende tshisomba!

2 Kulondolola 20:12

Maweja-Nangila Mvidi Mukulu wetu, kuena mua kubanyoka anyi? Katuena ne bukole bua kuluangana ne bena mvita aba bungi nenku, badi bavua kutuluisha. Tudi bapange tshia kuenza. Ke patudi batangile kuudi, tukusengelela.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Ekesode 24:13

Moshe kujuka ne Yoshuwa uvua umuambuluisha, kuambilaye bakulu ne:

Matayi 8:26

Yezu kubakonka ne: — Tshinudi nutshina ntshinyi? Ditaba dienu ndikese ditambe! Ke Yezu kujuka, kukanyina tshipepele, ne mayi a dijiba. Kubatamabi bataa.

Bienzedi 13:5

Kufikabu mu Salamine. Kulongeshabu muaku wa Mvidi Mukulu mu nzubu ya kutendelela ya bena Yuda. Yowanane Marke uvua nabu, ubambuluisha.