2 Bakalenga 6:10 - MUKANDA WA MYIDI MUKULU

¹⁰ Nanku mukalenga wa bena Izrayele uvua mua kutuma bena mvita bua batentekele muaba awu. Misangu yonsu ivua bena mvita ba bena Siriya badilongolola bua kuluisha bena Izrayele, muambi Elisha uvua anu umanyisha mukalenga wa bena Izrayele. Nanku mukalenga wa bena Izrayele uvua anu mudimuke.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku mukelenge wa Isalele wakadianjila kutuma bantu ku muaba wakamuambila muntu wa Nzambi, wakatusungila nansha musangu umue nansha misangu ibidi.

2 Bakalenga 6:10 ပူးပေါင်းရင်းမြစ်များ

1 Bakalenga 20:15

Akabe kubandila bansongalume nkama ibidi makumi asatu ne babidi, bavuabu bangate ku mudimu wa mvita kudi balombodi ba maloba a mu ditunga. Pashishe, kubandilaye kabidi bena mvita bonsu ba bena Izrayele binunu muanda mutekete.

2 Bakalenga 13:14

Disama dia lufu kukuata muambi Elisha. Nanku, Yowashe, mukalenga wa bena Izrayele, kuya kudi muambi Elisha, kumupukila, udila, wamba ne: — Tatu wanyi! Tatu wanyi! Wewe udi mupite matempu a mvita ne babandi ba pa nyama ya tubalu bonsu ba bena Izrayele!

2 Bakalenga 2:12

Elisha umona nanku, kuelaye lubila ne: — Tatu wanyi! Tatu wanyi! Wewe udi mupite matempu a mvita onsu ne babandi ba pa tubalu bonsu ba bena Izrayele. Pavua Elisha kayi mumone kabidi Eliya, kupandaye bilamba biende bipese bibidi.

2 Bakalenga 5:14

Namane kuya ku Yardene, kudiina mu mayi misangu muanda mutekete, bu muvua muambi Elisha mumuambile. Nanku disama diende kujikadi. Dikoba diende kushala bu dia muana mutekete.

2 Bakalenga 6:11

Bu muvua mukalenga wa bena Izrayele mudianjile kumanya tshifufu tshionsu tshia mukalenga wa bena Siriya, bualu ebu kutonda mukalenga wa bena Siriya bikole bitambe. Nanku mukalenga wa bena Siriya kubikidisha balombodi ba bena mvita bende, ubakonka ne: — Munkatshi muetu mudi muntu udi uya kuambila bena Izrayele malu. Kanuena basue kungambila dina dia muntu awu bua tshinyi?

2 Bakalenga 6:9

Kadi muambi Elisha kutuma bantu kudi mukalenga wa bena Izrayele bua kumuambila ne: — Nudimuke! Kanuena mua kupitshila muaba kampande awu to, bualu bena mvita ba bena Siriya badiku.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

Nsumuinu 27:12

Muntu mudimuke udi umona dikenga diamba kumukuata, udiepuka. Bantu batatakane badi babuelamu, badikengeshisha.

Yirmeya 11:18

Maweja-Nangila uvua mungambile malu mabi adi baluishi banyi bakeba kungenzela. Nanku, ndi mumanye malu abu.

Matayi 2:12

Kadi Mvidi Mukulu kubadimuja mu tshilota bua kabapinganyi kudi Erode kabidi to. Nanku kupinganabu kuabu mu njila mukuabu.

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Bienzedi 27:24

Kungambilaye ne: “Polu, kutshinyi to. Neumonangane ne Kezare. Bu mudi Mvidi Mukulu mukunange, neakupandishe ne bonsu baudi nabu mu majuwa emu.”

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.