2 Bakalenga 5:7 - MUKANDA WA MYIDI MUKULU

⁷ Anu mukalenga wa bena Izrayele ubala mukanda awu, kudipandaye bilamba, wela mbila ne: — Meme ndi Mvidi Mukulu udi ne bukole bua kufululula bantu, nansha kubashipa anyi? Mukalenga wa bena Siriya, udi untumina muntu bua meme kumondapa disama dia nsudi! Monayi mudi mukalenga ewu umbunda!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakabala mukelenge wa Isalele mukanda eu, wakahanda bilulu biandi, wakamba ne, Meme ndi Nzambi bua kushiha ne bua kubishangana ku lufu bua muntu eu udi untumina muntu wandi bua meme kumuondaha disama diandi dia nsudi, anyi? Ndi ngelangana meji ne, Yeye udi ukeba kuntekela diyoyo.

2 Bakalenga 5:7 ပူးပေါင်းရင်းမြစ်များ

Genese 30:2

Yakobe kufikila Rakele munda, umuambila ne: — Meme tshiena Mvidi Mukulu udi mukukandike ne: kuledi to!

Genese 37:29

Rubene uya kutangila mu tshiina, kena musangane Yozefe to. Kupampakanaye bikole, kupanda bilamba biende.

Genese 50:19

Kadi Yozefe kubakolesha ku muoyi, wamba ne: — Kanutshinyi to. Meme tshiena Mvidi Mukulu to.

2 Samuele 1:11

Davide ne bantu bonsu bavua pabuipi nende, kudipandabu bilamba.

1 Bakalenga 20:7

Ke Akabe, mukalenga wa bena Izrayele, kubikila bakulu bonsu ba mu ditunga, ubambila ne: — Nudi badimuene patoke too ne: Benadade mmusue kutuenzela bibi. Bualu uvua untumina bantu bua kundomba bakaji banyi ne bana banyi ne biamu bianyi bitoke bia mushinga mukole, ne mpawungi. Kadi tshivua mubenge mua kumutumina to.

2 Bakalenga 11:14

Kumonaye mukalenga mupiamupia muimane kulu mudi tshibidilu, pabuipi ne dikunji dia nzubu wa Mvidi Mukulu. Balombodi ba bena mvita ne bedi ba mpungi bavua bimane pabuipi ne mukalenga Yowashe. Bantu bonsu bavua anu basanka, bimbi ba biombelu bavua bela mpungi. Ke Ataliya kudipanda bilamba, wela mbila ne: — Mbangelele tshifufu! Mbangelele tshifufu!

2 Bakalenga 18:37

Pashishe, Elyakime, muana wa Ilkiya, uvua mulombodi wa nzubu wa bukalenga, Shebna mufundi, ne Yowa, muana wa Ashafe, mufikishi wa malu a mu bukalenga kudi bantu, kupanda bilamba biabu, kupingana kudi mukalenga Izkiya. Kumuambilabu bionsu bivuabu bambe kudi mulombodi wa beledi ba mukalenga wa bena Ashure maluvu.

2 Bakalenga 5:6

Namane kupesha mukalenga wa bena Izrayele mukanda uvuabu bamutumine kudi mukalenga wa bena Siriya, umuambila ne: “Ndi nkutumina Namane, mulombodi wa bena mvita banyi, ne mukanda ewu, bua umondape disama diende dia nsudi.”

Yirmeya 36:24

Mukalenga ne balombodi bende bonsu ba bena mvita bavua bajingulula bimpe malu avuabu bafunde pa muvungu wa tshiseba. Kadi kabavua ne bowa nansha ne dibungama.

Danyele 2:11

Bualu buudi ujinga mbukole. Kakuena muntu udi mua kukuambilabu, anu mvidie, kadi kayena isomba mu bantu ba pa buloba.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Dibadika 14:6

Kadi batentekedi babidi, Yoshuwa, muana wa Nune, ne Kalebe, muana wa Yefune, kubungama, kudipanda bilamba.

Matayi 26:65

Ke mutuangaji munene kudipanda bilamba, wamba ne: — Mmupende Mvidi Mukulu! Katutshiena tukengela bajadiki ba bualu ebu kabidi to! Nudi bumvue amu mpindiewu mudiye mupende Mvidi Mukulu.

Luke 11:54

Bavua bakeba kumuteya, bua bamujikile ulongesha malu adi kaayi malelela.

Bienzedi 14:14

Kadi bapostolu babidi kumanya bualu abu. Kupandabu bilamba biabu, kuya lubilu kudi bantu, benda bela mbila ne:

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

1 Samuele 2:6

Maweja-Nangila udi ushipa, ufululula kabidi. Udi ufikisha muntu muaba wa bafue, anyi umumushamu.