2 Bakalenga 5:26 - MUKANDA WA MYIDI MUKULU

²⁶ Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yeye wakamuambila ne, Mutshima wanyi kawakaya nʼebe, hakatuluka muntu mu dikalu diandi bua kusangakeneye nʼebe, anyi? Etshi ntshikondo tshia kuangata argent ne bilulu ne madimi a olive ne a tumuma tukese ne mikoko ne ngombe ne bena mudimu balume ne bena mudimu bakashi, anyi?

2 Bakalenga 5:26 ပူးပေါင်းရင်းမြစ်များ

Genese 14:23

Tshiena mua kulenga kantu ka ku bianza biebe, nansha buanda, nansha nshinga wa bisabata, bualu udi mua kuamba ne: “Meme ke udi munemeshe Abrame.”

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

Misambu 63:11

Babatape ku muela wa mvita, bitalu biabu babidie kudi mibuabua!

Nsumuinu 12:19

Malu malelela neashale kashidi. Kadi miaku ya dishima neishale katupa kipi.

Nsumuinu 12:22

Maweja-Nangila udi udiwula bena dishima. Kadi udi wanyisha badi bamba malu pa wowu.

Yirmeya 45:5

Kadi wewe udi ne dikamakama dia kukeba bidi bikusankisha amu wewe! Kukebi kantu nansha kamue to! Bualu dikenga dingatuma nedikuate bantu bonsu. Ke tshindi meme Maweja-Nangila ngamba. Kadi ndi nkulaya amu bualu bumue: Konsu kuudi musue kuya, kabakukushipa nansha!”

Agayi 1:4

Panudi nuenu basombe mu nzubu yenu milengeja bimpe, wanyi meme munyanguke, nudi nuenza bimpe anyi?

Matayi 10:8

Nujikije masama a babedi, nubishe bafue, numushe nsudi ya badi nayi, nuipate mikishi mibi. Bavua banupa bionsu tshianana, nupangane kabidi tshianana.

Bienzedi 20:33

Tshivua mulombe muntu nansha umue nkanu ya tshiamu tshitoke tshia mushinga mukole, nansha mpawungi, nansha bilamba.

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

1 Korente 5:3

Nansha tshiyi munkatshi muenu ne mubidi, kadi ndi nenu ku bukole bua Mueyelu. Nkadi mumane kukosa mu dina dia Yezu Mfumu wetu tshilumbu tshia muntu uvua muenze bibi awu, amu bu meme muikale munkatshi muenu.

Kolose 2:5

Nansha meme tshiyi nenu pabuipi, kadi mu lungenyi ndi nenu. Ndi nsanka bua kumona munudi benze tshintu tshimue, bitabe Kristu ne muoyi mushindame.