2 Bakalenga 5:23 - MUKANDA WA MYIDI MUKULU

²³ Namane kumuambila ne: — Anyisha bua kuangata biamu bitoke bia mushinga mukole kilo makumi asambombu. Namane kusengelela Ngeyazi bua kuangata bintu abi. Namane kuela tshiamu tshitoke tshia mushinga mukole atshi mu bibombi bibidi, kusuika bibombi abi. Kulongololaye kabidi bilamba bibidi bimpe bia kuvuala. Kupeshaye bena mudimu bende babidi bintu bionsu abi bua baye kushindikija Ngeyazi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nâmana wakamuambila ne, Bimpe wangate ntalanta ibidi. Wakamutendekena, wakateka ntalanta ya argent ibidi mu bibombi bibidi ne bilulu abi bibidi, wakabiteka ha maha a bantu bandi babidi, bobo bakabituala ku mpala kua Gehazi.

2 Bakalenga 5:23 ပူးပေါင်းရင်းမြစ်များ

Genese 33:11

Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.

1 Bakalenga 20:7

Ke Akabe, mukalenga wa bena Izrayele, kubikila bakulu bonsu ba mu ditunga, ubambila ne: — Nudi badimuene patoke too ne: Benadade mmusue kutuenzela bibi. Bualu uvua untumina bantu bua kundomba bakaji banyi ne bana banyi ne biamu bianyi bitoke bia mushinga mukole, ne mpawungi. Kadi tshivua mubenge mua kumutumina to.

2 Bakalenga 12:10

Mutuangaji Yoyada kusumba mushete, kuenza dikela pa tshibuikidiji tshia mushete awu. Kuutekaye ku luseke lua tshilambuilu, ku dia balume dia mushiku wa nzubu wa Mvidi Mukulu. Makuta onsu avuabu bafika nawu mu nzubu wa Mvidi Mukulu, batuangaji bavua balame ku mushiku wa nzubu awu, bavua ne mudimu wa kuela mu mushete.

2 Bakalenga 2:17

Kadi, bantu ba mu tshisumbu tshia bambi abu, kusuminyina Elisha bikole. Nanku, kuitabaye. Kutumabu bantu abu makumi atanu. Kukebabu Eliya matuku asatu. Kabena bamumona to.

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

2 Bakalenga 5:5

Mukalenga wa bena Siriya kuandamuna ne: — Eyowa, mbimpe! Ndi nkupa mukanda, uye kumonangana ne mukalenga wa bena Izrayele, umupe mukanda awu. Nanku Namane kuya kudi mukalenga wa bena Izrayele ne bintu ebi: tshiamu tshitoke tshia mushinga mukole kilo bu nkama isatu, tshiamu tshia mpawungi kilo makumi asambombu, ne bilamba dikumi bia kuvuala dituku dia tshibilu.

2 Bakalenga 6:3

Kadi muambi mukuabu wa ku bambi abu, kuandamuna ne: — Mfumu, mbimpe tuye nebe! Muambi Elisha kuandamuna ne: — Eyowa, ndi nya nenu.

Yeshaya 30:6

Nyama idi yambula bintu bia bungi, idi yenda ipitshila kuinshi kua ditunga. Mu buloba bua dikenga ne dibungama, mudi bintu bia bungi bidi bikuatshisha bowa, mudi nyama ya ntambue ikungula, mudi nyoka ya ntoka ne nyoka idi ibuka, nyama ya mpunde ne ya tumelu idi ipitshilamu, yambula bubanji ne bintu bia mushinga mukole. Balombodi ba mu ditunga badi baya nabi kudi bantu ba tshisamba, tshidi katshiyi mua kubambuluisha nansha kakese.

Luke 11:54

Bavua bakeba kumuteya, bua bamujikile ulongesha malu adi kaayi malelela.